/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/post_banners/f2930f92e05aaa2f18e640918a35864d748976414679eb21aeddfd396f5c6e5e.jpg)
ഡമസ്‌കസ്: സിറിയയിലെ രണ്ടു പ്രധാന വിമാനത്താവളങ്ങള്‍ക്കു നേരെ ഇസ്രയേലിന്റെ ആക്രമണം. സിറിയന്‍ ദേശീയ ടെലിവിഷനാണ് ഇക്കാര്യം റിപ്പോര്‍ട്ട് ചെയ്തത്.
ഡമാസ്‌കസ്, അലെപ്പോ വിമാനത്താവളങ്ങള്‍ക്കു നേരെയാണ് ആക്രമണമുണ്ടായത്. വ്യോമാക്രമണത്തില്‍ വിമാനത്താവളത്തിന്റെ റണ്‍വെകള്‍ തകര്‍ന്നതായും റിപ്പോര്‍ട്ടില്‍ പറയുന്നു. ഈ വിമാനത്താവളങ്ങളിലെ എല്ലാ വിമാനങ്ങളും റദ്ദാക്കി.
കഴിഞ്ഞ ചൊവ്വാഴ്ച സിറിയക്കുനേരെ ഇസ്രയേല്‍ ഷെല്ലാക്രമണം നടത്തിയിരുന്നു. ഗാസ മുനമ്പില്‍ ഇസ്രയേല്‍ ആക്രമണം ശക്തിപ്പെടുകയാണ്. ഇതിനു പിന്നാലെയാണ് സിറിയയ്ക്കു നേരെയും ആക്രമണമുണ്ടായത്.
അഞ്ചു ദിവസമായി തുടരുന്ന ഇസ്രയേല്‍-ഹമാസ് പോരാട്ടത്തില്‍ ഇരുപക്ഷത്തുമായി മൂവായിരത്തിലധികം പേര്‍ കൊല്ലപ്പെട്ടു. അതിനിടെ, യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കന്‍ ഇസ്രയേല്‍ സന്ദര്‍ശിച്ചു. ഇറാന്‍ പ്രസിഡന്റ് ഇബ്രാഹിം റൈസി, സിറിയന്‍ പ്രസിഡന്റ് ബാഷര്‍ അല്‍ അസദുമായി ഫോണില്‍ സംസാരിച്ചു.