/kalakaumudi/media/agency_attachments/zz0aZgq8g5bK7UEc9Bb2.png)
New Update
/kalakaumudi/media/post_banners/517f77a70773278a4d61ca0b6327016b27fa8838ce781d6eabb76f12e6f25b99.jpg)
കൊച്ചി: കളമശ്ശേരി സ്‌ഫോടനത്തില്‍ ആദ്യം മരിച്ച സ്ത്രിയെയും തിരിച്ചറിഞ്ഞു. കുറുപ്പുംപടി സ്വദേശിനി ലിയോണയാണ് മരിച്ചത്. ബന്ധുക്കളെത്തി ഇവരെ തിരിച്ചറിഞ്ഞു.
ഇതോടെ കളമശ്ശേരി സ്‌ഫോടനത്തില്‍ മരിച്ചവരുടെ എണ്ണം രണ്ടായി. 90 ശതമാനത്തോളം പൊളളലേറ്റ് കളമശ്ശേരി മെഡിക്കല്‍ കോളേജില്‍ ചികിത്സയിലായിരുന്ന തൊടുപുഴ സ്വദേശിനി കുമാരിയും (53) മരിച്ചു.
കുട്ടിയുള്‍പ്പെടെ രണ്ടു പേര്‍ ഗുരുതരാവസ്ഥയില്‍ ചികിത്സയിലാണ്. രാജഗിരി ആശുപത്രിയിലും ആസ്റ്റര്‍ മെഡ്‌സിറ്റിയിലുമായി മറ്റു മൂന്നു പേരും ഗുരുതരാവസ്ഥയിലാണ്.
വിദഗ്ധ ചികിത്സ ഉറപ്പാക്കുന്നതിന് 14 അംഗ മെഡിക്കല്‍ ബോര്‍ഡ് രൂപവത്കരിച്ചിട്ടുണ്ട്. ആരോഗ്യവകുപ്പ് ഡയറക്ടര്‍, കോട്ടയം, തൃശൂര്‍, കളമശേരി മെഡിക്കല്‍ കോളേജുകള്‍, ആരോഗ്യ കുപ്പ് എന്നിവിടങ്ങളിലെ വിദഗ്ധ ഡോക്ടര്‍മാര്‍ ഉള്‍പ്പെടുന്നതാണ് മെഡിക്കല്‍ ബോര്‍ഡ്.