/kalakaumudi/media/agency_attachments/zz0aZgq8g5bK7UEc9Bb2.png)
New Update
പാലക്കാട്: വിനോദ യാത്രക്കിടെ ഹൃദയാഘാതമുണ്ടായതിനെ തുടര്‍ന്ന് പത്താം ക്ലാസ് വിദ്യാര്‍ത്ഥിനി മരിച്ചു. പാലക്കാട് നിന്നും മൈസൂരിലേക്ക് വിനോദയാത്ര പോവുകയായിരുന്ന പാലക്കാട് പുലാപ്പറ്റ എന്‍കെഎം ഹൈസ്‌കൂളിലെ വിദ്യാര്‍ഥിനി മുണ്ടൊളി ഷാരത്തുപറമ്പില്‍ ശ്രീസയനയാണ് മരിച്ചത്.
തിങ്കളാഴ്ച്ച രാത്രിയോടെയായിരുന്നു ശ്രീസയനയ്ക്ക് ഹൃദയാഘാതമുണ്ടായത്. മൈസൂര്‍ കൊട്ടാരത്തില്‍ സന്ദര്‍ശനം നടത്തി തിരിച്ചു വരുന്നതിനിടെ ശാരീരിക അസ്വാസ്ഥ്യം അനുഭവപ്പെടുകയായിരുന്നു. ഉടന്‍ സമീപത്തെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. മൂന്ന് ബസുകളിലായി 135 വിദ്യാര്‍ഥികളും 15 അധ്യാപകരും ഉള്‍പ്പെടെ 150 പേരാണ് വിനോദയാത്ര പോയത്.