'റിങ്കു എന്റെ ടെൻഷൻ കുറച്ചു'; റിങ്കു സിംഗിനെ പ്രശംസിച്ച് സൂര്യകുമാർ യാദവ്‌

ഓസ്ട്രേലിയക്ക് എതിരായ ആദ്യ ടി20 മത്സത്തിൽ റിങ്കു സിംഗിന്റെ പ്രകടനത്തെ പ്രശംസിച്ച് ക്യാപ്റ്റൻ സൂര്യകുമാർ യാദവ്‌. വ്യാഴാഴ്ച നടന്ന കളിയിൽ അവസാനം ഇന്ത്യയെ വിജയിപ്പിച്ചത് റിങ്കു സിംഗ് ആയിരുന്നു. 14 പന്തിൽ 22 എടുത്ത പുറത്താകാതെ നിന്ന റിങ്കു സിക്സ് അടിച്ചാണ് ഇന്ത്യയുടെ വിജയം ഉറപ്പിച്ചത്.

മത്സരത്തിന് ശേഷമുള്ള പ്രസന്റേഷനിൽ സംസാരിച്ച സൂര്യകുമാർ, കളിക്കാർ തങ്ങളുടെ നിലവാരം നിലനിർത്തിയതിന് അവരെ പ്രശംസിക്കുകയും റിങ്കുവിനെ പ്രത്യേകം അഭിനന്ദിക്കുകയും ചെയ്തു. റിങ്കു തന്റെ ബാറ്റിംഗിലൂടെ എന്റെ ടെൻഷൻ കുറച്ചു എന്നും ക്യാപ്റ്റൻ സൂര്യകുമാർ പറഞ്ഞു.

“റിങ്കുവിന്റെ ഇന്നിംഗ്സ് കാണാൻ നല്ല രസമായിരുന്നു, ഈ സാഹചര്യം അവനു വേണ്ടി ഉണ്ടാക്കിയതാണ്. അവൻ ശാന്തനായിരുന്നു, എന്നെയും അൽപ്പം ശാന്തനാക്കി.” സൂര്യകുമാർ മത്സര ശേഷം പറഞ്ഞു.