/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/post_banners/ed6f0579f38a76249afe11fa87014dee082aa30e74f7994d9ab392ef9928bee2.jpg)
ഓസ്ട്രേലിയ്‌ക്കെതിരെയുള്ള ഏകദിന പരമ്പരയില്‍ മികച്ച ഫോമിലായിരുന്നു സൂര്യകുമാര്‍ യാദവ്. 2023 ലെ ലോകകപ്പ് ക്രിക്കറ്റ് ടീമില്‍ സൂര്യകുമാര്‍ യാദവിനെ ഉള്‍പ്പെടുത്തിയതിനു പിന്നാലെ ക്രിക്കറ്റ് വിദഗ്ധരും ആരാധകരും ചില സംശയങ്ങള്‍ ഉയര്‍ത്തിയിരുന്നു.
''ഏകദിന ക്രിക്കറ്റില്‍ സൂര്യകുമാര്‍ ഇതുവരെ കാര്യമായിട്ടൊന്നും ചെയ്തിട്ടില്ല. അവസാന 15-20 ഓവറുകളില്‍ മാത്രമാണ് അദ്ദേഹം ബാറ്റ് ചെയ്യുന്നത്. അവിടെ അദ്ദേഹം തന്റെ ടി-20 കഴിവുകള്‍ ഉപയോഗിക്കുന്നുണ്ട്. അത് പ്രശംസനീയം തന്നെയാണ്.
പരിക്കേറ്റ അക്‌സര്‍ പട്ടേലിന് പകരമായി സ്പിന്നര്‍ ആര്‍ അശ്വിനെ 15 അംഗ ലോകകപ്പ് ടീമിലേക്കു തിരഞ്ഞെടുത്തിട്ടുണ്ട്. ഓസ്‌ട്രേലിയക്ക് എതിരെയുള്ള ഏകദിന പരമ്പരയിലൂടെയാണ് അശ്വിന്റെ തിരിച്ചുവരവ്. ഇന്‍ഡോറില്‍ നടന്ന ആദ്യ രണ്ടു മത്സരങ്ങള്‍ കളിക്കുകയും ഇന്ത്യ വിജയിക്കുകയും ചെയ്തു. കൂടാതെ അശ്വിന്‍ രണ്ട് കളികളില്‍ നിന്നുമായി 4 വിക്കറ്റും വീഴ്ത്തി.
ഈ മാസം കളിച്ച പരമ്പരയ്ക്ക് മുന്‍പ് അശ്വിന്‍ 2022 ല്‍ സൗത്ത് ആഫ്രിക്കയിലാണ് അവസാനമായി ഏകദിന പരമ്പര കളിച്ചത്.അക്സറിന് മാച്ച് ഫിറ്റ് ആവാന്‍ ഒരാഴ്ചയില്‍ കൂടുതല്‍ വേണ്ടിവരുമെന്ന മെഡിക്കല്‍ റിപ്പോര്‍ട്ട് കിട്ടിയ ശേഷമാണ് നാഷണല്‍ സെക്ഷന്‍ പാനല്‍ അശ്വിനെ പരിഗണിച്ചത്. തുടര്‍ന്ന് ടീമിലെ മാറ്റത്തിനെ കുറിച്ച് ഇന്റര്‍നാഷണല്‍ ക്രിക്കറ്റ് കൗണ്‍സിലിനെ (ഐ സി സി) വ്യാഴാഴ്ച്ച അറിയിച്ചു.
ഇന്ത്യന്‍ സ്‌ക്വാഡ്
രോഹിത് ശര്‍മ്മ (ക്യാപ്റ്റന്‍), ഹാര്‍ദിക് പാണ്ഡ്യ (വിക്കറ്റ് കീപ്പര്‍), ശുഭ്മാന്‍ ഗില്‍, വിരാട് കോലി, ശ്രേയസ് അയ്യര്‍, കെ എല്‍ രാഹുല്‍, രവീന്ദ്ര ജഡേജ, ശാര്‍ദുല്‍ താക്കൂര്‍, ജസ്പ്രീത് ബുംറ, മുഹമ്മദ് സിറാജ്, കുല്‍ദീപ് യാദവ്, മുഹമ്മദ് ഷമി, രവിചന്ദ്രന്‍ അശ്വിന്‍ ഇഷാന്‍ കിഷന്‍, സൂര്യകുമാര്‍ യാദവ് .