Sunday | 01 | October | 2023
-
അണ്ടര്‍ 19 സാഫ് കപ്പ്: പാകിസ്ഥാനെ തകര്‍ത്ത് ഇന്ത്യയ്ക്ക് കീരിടം
-
ഒന്നിനെതിരെ രണ്ടു ഗോളുകൾക്ക് അൽ തായിയെ തകർത്ത് അൽ നാസർ
-
ഏഷ്യന്‍ ഗെയിംസ്: പുരുഷ ഫുട്‌ബോളില്‍ സൗദിയുടെ ആധിപത്യം, ഇന്ത്യ പുറത്ത്
-
തകർപ്പൻ വിജയവുമായി അൽ നസർ ; റൊണാൾഡോയുടെ അസാന്നിധ്യത്തിലും കളി ജയിച്ചു
-
ഏഷ്യന്‍ ഗെയിംഗ് ഫുട്‌ബോള്‍: മ്യാന്‍മറിനെ സമനിലയില്‍ തളച്ച് ഇന്ത്യ പ്രീക്വാര്‍ട്ടറില്‍
-
ഫുട്‌ബോളില്‍ മികച്ച താരം മെസി, പക്ഷേ ഇഷ്ടം ക്രിസ്റ്റ്യാനോയെ; തുറന്നുപറഞ്ഞ് രാഹുല്‍ ഗാന്ധി
-
വിജയപരമ്പര തുടര്ന്ന് മാഞ്ചസ്റ്റര്‍ സിറ്റി; നോട്ടിങ്ഹാം ഫോറസ്റ്റിനെ തോല്പ്പിച്ചത് എതിരില്ലാത്ത രണ്ട് ഗോളിന്
-
ഇറാനിൽ നിന്ന് മലബാറിലേക്ക് ; ഹജർ ദബ്ബാഗി ഗോകുലം കേരള എഫ്സിക്ക് വേണ്ടി കളിക്കും
-
സ്വന്തം മൂക്ക് പൊത്തി വില്യംസ്; മത്സരത്തിനിടെ വംശീയാധിക്ഷേപം നടന്നതായി ബ്ലാസ്റ്റേഴ്സ്
-
ഏഷ്യന്‍ ഗെയിംസ് ; ഇന്ത്യക്ക് ആശ്വാസമായി ഛേത്രിയുടെ ഗോൾ ,പ്രീ ക്വാര്‍ട്ടര്‍ പ്രതീക്ഷ
റയലിനെ അടപടലം വീഴ്ത്തി സിറ്റി; ഇനി ഫൈനല്‍ പോരാട്ടം ഇന്റര്‍ മിലാനുമായി
By web desk.18 05 2023
മാഞ്ചസ്റ്റര്‍: യുവേഫ ചാമ്പ്യന്‍സ് ലീഗ് രണ്ടാം പാദ സെമിയിലും മുന്‍ ചാമ്പ്യന്‍മാരായ റയല്‍ മാഡ്രിഡിനെ തോല്‍പ്പിച്ച് മാഞ്ചസ്റ്റര്‍ സിറ്റി ഫൈനലില്‍. എതിരില്ലാത്ത നാലു ഗോളിനാണ് സിറ്റി മാഡ്രിഡിനെ പരാജയപ്പെടുത്തിയത്.
എത്തിഹാദ് സ്റ്റേഡിയത്തില്‍ നടന്ന മത്സരത്തില്‍ നിലവിലെ ചാമ്പ്യന്‍മാരെ വാരിക്കളയുന്ന പ്രകടനമാണ് പെപ് ഗ്വാര്‍ഡിയോളയുടെ ടീം പുറത്തെടുത്തത്.
ആദ്യ പകുതിയില്‍ ബെര്‍ണാഡോ സില്‍വ നേടിയ ഇരട്ട ഗോളില്‍ തന്നെ സിറ്റി ഫൈനലുറപ്പിച്ചു. എല്‍ഡര്‍ മിലിറ്റാവോയുടെ സെല്‍ഫ് ഗോളില്‍ മൂന്ന് ഗോളിന് പിന്നിലായിപ്പോയ മാഡ്രിഡന് പ്രഹരം നല്‍കി കളി തീരാന്‍ മിനിറ്റുകള്‍ ബാക്കിയുള്ളപ്പോള്‍ ജൂലിയന്‍ അല്‍വാരസ് അവസാന നാലാം ഗോളും നേടി.
രണ്ടാം പകുതിയില്‍ തിരിച്ചുവരവിനുള്ള റയലിന്റെ ശ്രമം സിറ്റിയുടെ നിരന്തര ആക്രമണങ്ങളില്‍ തകര്‍ന്നു. 76ാം മിനിറ്റില്‍ കെവിന്‍ ഡിബ്രൂയിനെയുടെ ഫ്രീ കിക്ക് മിലിറ്റാവോയുടെ കാലില്‍ തട്ടി വലയില്‍ കയറിയതോടെ റയലിന്റെ അവസാന പ്രതീക്ഷയും അസ്തമിച്ചു.
ഇഞ്ചുറി ടൈമില്‍ ഒരെണ്ണം കൂടി റയലിന്റെ വലയില്‍ എത്തിച്ച് അല്‍വാരെസ് സിറ്റിയുടെ പടയോട്ടം പൂര്‍ത്തിയാക്കി.
എത്തിഹാദില്‍ തോല്‍വിയറിയാതെ സിറ്റിയുടെ 26-ാം മത്സരമാണിത്. രണ്ട് വര്‍ഷം മുമ്പ് ഫൈനലില്‍ ചെല്‍സിയോട് സിറ്റി തോറ്റിരുന്നു.
ജൂണ്‍ 11ന് ടര്‍ക്കിയിലെ അതാതുര്‍ക് ഒളിംപിക് സ്റ്റേഡിയത്തിലാണ് മാഞ്ചസ്റ്റര്‍ സിറ്റി-ഇന്റര്‍ മിലാന്‍ ഫൈനല്‍ പോരാട്ടം.
