/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/post_banners/f079c9e6906746bfb6c5ba1c6a367fdd0b17eabc155860d5789ed579cf22f1b4.jpg)
വിശാഖപട്ടണം; ഇംഗ്ലണ്ടിനെതിരായ രണ്ടാം ടെസ്റ്റിന്റെ രണ്ടാം ഇന്നിങ്‌സില്‍ യുവതാരം ശുഭ്മന്‍ ഗില്ലിനു സെഞ്ചറി. 132 പന്തുകളില്‍നിന്നാണ് ഗില്‍ സെഞ്ചറി തികച്ചത്. ടെസ്റ്റ് ക്രിക്കറ്റില്‍ താരത്തിന്റെ മൂന്നാം സെഞ്ചറിയാണിത്. ഏകദിനത്തില്‍ ആറു വട്ടവും ട്വന്റി20യില്‍ ഒരു സെഞ്ചറിയും ഗില്ലിന്റെ പേരിലുണ്ട്.
ഇംഗ്ലണ്ടിനെതിരെ ലീഡ് പിടിക്കാന്‍ കെ.എസ് ഭരതും, ആര്‍ അശ്വിനുമാണ് ക്രീസില്‍ പുറത്താകാതെ നില്‍ക്കുന്നു. മികച്ച പ്രകടനത്തിന് ശേഷം അക്‌സര്‍ പട്ടേല്‍ 45 റണ്‍സിന് പുറത്തായി. ഇംഗ്ലണ്ടിനെതിരെ 370 റണ്‍സിന്റെ ലീഡ് നേടിയ ഇന്ത്യയുടെ സ്‌കോര്‍ 64 ഓവറില്‍ 227/6.
മറുവശത്ത്, വരാനിരിക്കുന്ന സെഷനില്‍ നടപടികള്‍ അവസാനിപ്പിക്കാനാണ് ഇംഗ്ലീഷ് ബൗളര്‍മാര്‍ ലക്ഷ്യമിടുന്നത്. റെഹാന്‍ അഹമ്മദും ടോം ഹാര്‍ട്ട്ലിയും രാവിലെ സെഷനില്‍ ഇന്ത്യയുടെ ഇന്നിംഗ്സിന് കൂടുതല്‍ തിരിച്ചടി നല്‍കി.
രണ്ടാം ഇന്നിങ്‌സില്‍ വിക്കറ്റ് നഷ്ടപ്പെടാതെ 28 റണ്‍സെന്ന നിലയിലാണ് മത്സരത്തിന്റെ മൂന്നാം ദിവസം ഇന്ത്യ കളി തുടങ്ങിയത്. തുടക്കത്തില്‍ തന്നെ ഇന്ത്യയ്ക്കു രോഹിത് ശര്‍മയെ നഷ്ടമായി. 21 പന്തില്‍ 13 റണ്‍സെടുത്ത രോഹിത്തിനെ ജെയിംസ് ആന്‍ഡേഴ്‌സന്‍ ബോള്‍ഡാക്കുകയായിരുന്നു. തൊട്ടുപിന്നാലെ യശസ്വി ജയ്‌സ്വാളും (27 പന്തില്‍ 17) മടങ്ങി.
ശ്രേയസ് അയ്യരെ കൂട്ടുപിടിച്ച് ശുഭ്മന്‍ ഗില്‍ സ്‌കോര്‍ കണ്ടെത്തിയതോടെ ഇന്ത്യ 100 കടന്നു. സ്‌കോര്‍ 111 ല്‍ നില്‍ക്കെ അയ്യര്‍ പുറത്തായി. ടോം ഹാര്‍ട്‌ലിയുടെ പന്തില്‍ ബെന്‍ സ്റ്റോക്‌സ് തകര്‍പ്പനൊരു ക്യാച്ചെടുത്താണ് ശ്രേയസ് അയ്യരെ മടക്കിയത്.
രജത് പട്ടീദാറിനും (19 പന്തില്‍ ഒന്‍പത്) തിളങ്ങാനായില്ല. പിന്നാലെയെത്തിയ അക്ഷര്‍ പട്ടേല്‍ നിലയുറപ്പിച്ചു കളിച്ചു. 51.3 ഓവറില്‍ ഇന്ത്യ 200 പിന്നിട്ടു. ഇന്ത്യയ്ക്ക് നിലവില്‍ 346 റണ്‍സിന്റെ ലീഡുണ്ട്.