ലോക ടെസ്റ്റ് ചാമ്പ്യന്‍ഷിപ്പില്‍ ഉയര്‍ന്ന് ഇന്ത്യ

റാഞ്ചി: ലോക ടെസ്റ്റ് ചാമ്പ്യന്‍ഷിപ്പില്‍ ഇന്ത്യയുടെ പോയിന്റ് ശതമാനം 64.58 ശതമാനമായി ആയി ഉയര്‍ന്നു. നാലാം ടെസ്റ്റില്‍ ഇംഗ്ലണ്ടിനെ അഞ്ചു വിക്കറ്റിന് തോല്‍പ്പിച്ച ഇന്ത്യ ലോക ടെസ്റ്റ് ചാമ്പ്യന്‍ഷിപ്പ് ടേബിളില്‍ രണ്ടാം സ്ഥാനത്ത് തുടരുന്നു. 75 പോയിന്റുമായി ന്യൂസിലന്‍ഡ് ആണ് മുന്നില്‍. നിലവിലെ ചാമ്പ്യന്‍മാരായ ഓസ്ട്രേലിയ 10 മത്സരങ്ങള്‍ക്ക് ശേഷം 55 എന്ന വിജയ ശതമാനവുമായി മൂന്നാം സ്ഥാനത്താണ്.

ലോക ടെസ്റ്റ് ചാമ്പ്യന്‍ഷിപ്പ് ടൂര്‍ണമെന്റില്‍ 8 ടെസ്റ്റ് മത്സരങ്ങള്‍ കളിച്ച ഇന്ത്യന്‍ ടീം 5 ടെസ്റ്റ് മത്സരങ്ങള്‍ ജയിക്കുകയും 2 മത്സരം തോല്‍ക്കുകയും ഒരു കളി സമനിലയിലുമായി. വെസ്റ്റ് ഇന്‍ഡീസിലും ദക്ഷിണാഫ്രിക്കയിലും ഓരോ ടെസ്റ്റ് മത്സരങ്ങളും ഇംഗ്ലണ്ടിനെതിരെ മൂന്ന് ടെസ്റ്റും ഇന്ത്യ ജയിച്ചു.