/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/post_banners/f30d06e4cdbd918b31c65777c4a0c5b10bc695b697d8dbaabd001ea9ab8ce94b.jpg)
ധാക്ക: ബംഗ്ലാദേശിനെതിരായ ട്വന്റി 20 പരമ്പര സ്വന്തമാക്കാന്‍ ഇന്ത്യന്‍ വനിതകള്‍ ഇന്ന് കളത്തിലിറങ്ങും. മലയാളി താരം മിന്നു മണി രണ്ടാം ടി20യിലും കളിച്ചേക്കാന്‍ സാധ്യത.
കഴിഞ്ഞ മത്സരത്തില്‍ മിന്നു മണി ഗംഭീര അരങ്ങേറ്റം കുറിച്ചിരുന്നു. തന്റെ ആദ്യ ഓവറില്‍ തന്നെ മിന്നു മണി വിക്കറ്റ് സ്വന്തമാക്കിയിരുന്നു.ക്യാപ്റ്റന്‍ ഹര്‍മന്‍പ്രീത് കൗറിന്റെ അര്‍ധ സെഞ്ചുറിയില്‍ 7 വിക്കറ്റിനാണ് ഇന്ത്യ ആദ്യ മത്സരത്തില്‍ ജയിച്ചത്.
ആദ്യ മത്സരത്തില്‍ മിന്നുവിന് ബാറ്റിംഗിന് ഇറങ്ങിയിരുന്നില്ല. ധാക്കയില്‍ ഉച്ചയ്ക്ക് ഒന്നരയ്ക്കാണ് മത്സരം. പരമ്പരയിലെ മൂന്നാമത്തെയും അവസാനത്തേയും ട്വന്റി 20 13 ന് ധാക്കയില്‍ നടക്കും.
ഇന്ത്യന്‍ സ്‌ക്വാഡ്: ഷെഫാലി വര്‍മ്മ, സ്മൃതി മന്ഥാന, ജെമീമ റെഡ്രിഗസ്, ഹര്‍മന്‍പ്രീത് കൗര്‍(ക്യാപ്റ്റന്‍), യാസ്തിക ഭാട്യ(വിക്കറ്റ് കീപ്പര്‍), ഹര്‍ലീന്‍ ഡിയോള്‍, ദീപ്തി ശര്‍മ്മ, പൂജ വസ്ത്രകര്‍, അമന്‍ജോത് കൗര്‍, ബരെഡ്ഡി അനുഷ, മിന്നു മണി, ദേവിക വൈദ്യ, സബിനേനി മേഘ്ന, മേഘ്ന സിംഗ്, അഞ്ജലി സര്‍വാനി, മോണിക്ക പട്ടേല്‍, റഷി കനോജിയ, ഉമാ ഛേട്രി.