/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/post_banners/ee7b033e1e787f9d3e5b661e55aa7022d1d8816e8b1bc41b8addf225c5410d44.jpg)
ധരംശാല: ഐപിഎല്ലില്‍ ടോസ് നേടിയ പഞ്ചാബ്, ഡല്‍ഹിയെ ബാറ്റിംഗിന് അയച്ചു. 12 കളിയില്‍ 12 പോയന്റുള്ള പഞ്ചാബിന് പ്ലേ ഓഫ് പ്രതീക്ഷ നിലനിര്‍ത്താന്‍ ശേഷിക്കുന്ന രണ്ട് കളിയും ജയിക്കണം. മറുവശത്ത് പ്ലേ ഓഫ് പ്രതീക്ഷകള്‍ അവസാനിച്ചെങ്കിലും മാനം കാക്കാനാണ് ഡല്‍ഹി ക്യാപിറ്റല്‍സ് ഇറങ്ങുന്നത്.
പഞ്ചാബ്-ഡല്‍ഹി മത്സരഫലം പ്ലേ ഓഫ് സാധ്യതയുള്ള രാജസ്ഥാന്‍ റോയല്‍സ് ഉള്‍പ്പെടെയുള്ള മറ്റ് ടീമുകള്‍ക്കും നിര്‍ണായകമാണ്. അവസാന സ്ഥാനത്തുള്ള ഡല്‍ഹി ജയിക്കുന്നത് പോയിന്റ് പട്ടികയില്‍ മാറ്റമൊന്നും വരുത്തില്ല. എന്നാല്‍ പഞ്ചാബാണ് ജയിക്കുന്നതെങ്കില്‍ 14 പോയന്റുമായി അവര്‍ രാജസ്ഥാനെയും ആര്‍സിബിയെയും കൊല്‍ക്കത്തയെയും മറികടന്ന് അഞ്ചാം സ്ഥാനത്തെത്തും. ഇതോടെ പഞ്ചാബിനെതിരായ രാജസ്ഥാന്റെ അവസാന മത്സരം നിര്‍ണായകമാകുകയും ചെയ്യും.
പഞ്ചാബ് കിംഗ്സ്: അഥര്‍വ ടൈഡെ, ശിഖര്‍ ധവാന്‍, ലിയാം ലിവിംഗ്സ്റ്റണ്‍, ജിതേശ് ശര്‍മ, സാം കറന്‍, ഷാരുഖ് ഖാന്‍, ഹര്‍പ്രീത് ബ്രാര്‍, രാഹുല്‍ ചാഹര്‍, കഗിസോ റബാദ, നതാന്‍ എല്ലിസ്, അര്‍ഷ്ദീപ് സിംഗ്.
ഡല്‍ഹി കാപിറ്റല്‍സ്: ഡേവിഡ് വാര്‍ണര്‍, പൃത്വി ഷാ, ഫിലിപ് സാള്‍ട്ട്, റിലീ റൂസോ, അമന്‍ ഹകീം ഖാന്‍, അക്സര്‍ പട്ടേല്‍, യഷ് ദുള്‍, കുല്‍ദീപ് യാദവ്, ആന്റിച്ച് നോര്‍ജെ, ഇഷാന്ത് ശര്‍മ, ഖലീല്‍ അഹമ്മദ്.