/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/post_banners/8afb74c600efb6daa91630d69f60683c0b95890c5097787786df10179d29af95.jpg)
കൊഴിക്കോട്: ഗോകുലം കേരള എഫ്സി സെര്‍ബിയന്‍ മിഡ്ഫീല്‍ഡര്‍ നിക്കോള സ്റ്റോഹാനോവിച്ചിനെ സ്വന്തമാക്കി. ഐ-ലീഗ് ക്ലബ്ബായ മുഹമ്മദന്‍ എസ്സിയില്‍ നിന്നാണ് താരത്തെയാണ് ഗോകുലം സൈന്‍ ചെയ്തത്. മുഹമ്മദന്‍ എസ്സിയുടെ മുന്‍ ക്യാപ്റ്റനായിരുന്നു. ലീഗില്‍ ഇരുപത്തിയഞ്ച് മത്സരങ്ങളില്‍ നിന്ന് അഞ്ച് ഗോളുകളും പത്ത് അസിസ്റ്റുകളും താരം നേടിയിട്ടുണ്ട്. മോണ്ടിനെഗ്രിന്‍ ക്ലബ്ബുകളായ ഒ എഫ് കെ പെട്രോവാക്, എഫ് എഫ് കെ ഡെസിക് തുസി എന്നിവയ്ക്കായി അദ്ദേഹം കളിച്ചിട്ടുണ്ട്.
ഈ ആഴ്ച തന്നെ ക്യാമ്പില്‍ ചേരും. ജനുവരി 11 മുതല്‍ 21 വരെ ഒഡീഷയില്‍ നടക്കുന്ന സൂപ്പര്‍ കപ്പിന്റെ പ്രാഥമിക റൗണ്ടില്‍ ടീമിനായി നിക്കോള കളിക്കും. ഇപ്പോള്‍ ഇടവേളയ്ക്ക് പിരിഞ്ഞ ഐ ലീഗില്‍ പതിനേഴു പോയിന്റുമായി ഗോകുലം ആറാം സ്ഥാനത്താണ്.
'നിക്കോള സ്റ്റൊജനോവിച്ചിനെ സൈന്‍ ചെയ്തത് പ്രഖ്യാപിക്കുന്നതില്‍ ഞങ്ങള്‍ക്ക് സന്തോഷമുണ്ട്. അദ്ദേഹത്തിന്റെ നേതൃപാടവവും പ്രശംസനീയമായ പ്രകടന റെക്കോഡും അദ്ദേഹത്തെ ഞങ്ങളുടെ ടീമിലെ മികച്ച കൂട്ടിച്ചേര്‍ക്കലാക്കി മാറ്റുന്നു'. ക്ലബ്ബ് പ്രസിഡന്റ് വി.സി.പ്രവീണ്‍ പറഞ്ഞു.