അച്ഛന്റെ പാതയിൽ മകനും; ദ്രാവിഡിന്റെ ഇളയ മകന്‍ കര്‍ണാടകയുടെ ക്യാപ്റ്റന്‍

ബംഗളൂരു: ബാറ്റിങ് ഇതിഹാസവും ഇന്ത്യന്‍ ക്രിക്കറ്റ് ടീം പരിശീലകനുമായ രാഹുല്‍ ദ്രാവിഡിന്റെ മകന്‍ ഇനി സ്വന്തം സംസ്ഥാന ടീമിനെ നയിക്കും.ദ്രാവിഡിന്റെ മകന്‍ അന്‍വയ് ദ്രാവിഡിനെ കര്‍ണാടക അണ്ടര്‍ 14 ടീമിന്റെ ക്യാപ്റ്റനായി നിയമിച്ചു.

ദക്ഷിണ മേഖലാ ക്രിക്കറ്റ് പോരാട്ടത്തിനുള്ള സംസ്ഥാന ടീമിനെയാണ്

താരം നയിക്കുന്നത്.ബാറ്റിങില്‍ മികച്ച ഫോമിലാണ് അന്‍വയ്.ബാറ്റിങിലെ സ്ഥിരതയാണ് വിക്കറ്റ് കീപ്പര്‍ കൂടിയായ അന്‍വയ്ക്ക് നായക സ്ഥാനത്തേക്ക് വഴി തുറന്നത്.

ദ്രാവിഡിന്റെ ഇളയ മകനാണ് അന്‍വയ്.മൂത്ത മകന്‍ സമിതും ക്രിക്കറ്റ് താരമാണ്. 2019-20 സീസണില്‍ അണ്ടര്‍ 14 പോരാട്ടത്തില്‍ രണ്ട് തവണ ഇരട്ട സെഞ്ച്വറി നേടിയ താരം കൂടിയാണ് സമിത്.