അണ്ടര്‍ 19 ക്രിക്കറ്റ് ലോകകപ്പ്; ബംഗ്ലാദേശിനെതിരെ ഇന്ത്യയുടെ പോരാട്ടം തുടങ്ങി

അണ്ടര്‍ 19 ലോകകപ്പില്‍ നിലവിലെ ചാമ്പ്യന്‍മാരായ ഇന്ത്യ ആദ്യ മത്സരത്തിനിറങ്ങി. ബംഗ്ലാദേശിനെതിരെയാണ് ആദ്യ മത്സരം നടക്കുന്നത്. ഇന്ത്യ ബാറ്റിങിനിറങ്ങി മത്സരം ആരംഭിച്ചു. ഉദയ് സഹാറനാണ് ഇന്ത്യയുടെ ക്യാപ്റ്റന്‍. ലോകകപ്പ് പോരാട്ടങ്ങള്‍ക്ക് ഇന്നലെയാണ് തുടക്കമായത്. 16 ടീമുകളെ നാല് ഗ്രൂപ്പാക്കിയാണ് പോരാട്ടം. ഗ്രൂപ്പ് എയിലാണ് ഇന്ത്യ. ബംഗ്ലാദേശിനു പുറമെ അമേരിക്ക, അയര്‍ലന്‍ഡ് ടീമുകളാണ് ഗ്രൂപ്പില്‍. 16 രാജ്യങ്ങള്‍ പങ്കെടുക്കുന്ന ടൂര്‍ണമെന്റ് 24 ദിവസം നീണ്ടുനില്‍ക്കും. ആകെ 41 മത്സരങ്ങളാണ് ടൂര്‍ണമെന്റിലുള്ളത്. ഫെബ്രുവരി 11നാണ് ഫൈനല്‍.