/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/post_banners/987a42a20764e1f558f6e4d2c9765e91b7b19e14972e944bf6c260e91af9b5b7.jpg)
അതിവേഗം അപ്ലോഡ് ചെയ്യാന്‍ വാട്സാപ്പില്‍ പ്രെഡിക്റ്റഡ് അപ്ലോഡ് ഫീച്ചര്‍ വന്നിരിക്കുന്നു.ഇതുമൂലം ഇനി സമയം ലാഭിക്കാം.അപ്ലോഡ് ചെയ്യാന്‍ ആഗ്രഹിക്കുന്ന ചിത്രങ്ങള്‍ ആവശ്യമുള്ള സമയത്ത് അപ് ലോഡ് ചെയ്യുന്നതിനായി നേരത്തെ തന്നെ തയ്യാറാക്കിവെക്കാന്‍ സാധിക്കുന്ന പ്രെഡിക്റ്റഡ് അപ് ലോഡ് ഫീച്ചറാണ് വാട്സ്ആപ്പില്‍ വന്നിരിക്കുന്നതെന്ന കാര്യം പുറത്തുവിട്ടിരിക്കുന്നത് വാട്സ്ആപ്പ് ആരാധക വെബ്സൈറ്റായ വാബീറ്റ ഇന്‍ഫോയാണ്.ഇന്ത്യയില്‍ തന്നെ 25 കോടി പ്രതിമാസ ഉപയോക്താക്കള്‍ വാട്സ്ആപ്പിനുണ്ട്.
വാട്സ്ആപ്പിന്റെ 2.18.156 പതിപ്പിലാണ് ഈ ഫീച്ചറുള്ളത്.മാത്രമല്ല, ഇത് വാട്സ്ആപ്പില്‍ ഘട്ടം ഘട്ടമായാണ് പ്രാബല്യത്തില്‍ വരുത്തുന്നതെന്നാണ് വിവരം ലഭിച്ചിരിക്കുന്നത്. അതുകൊണ്ട് തന്നെ നിലവില്‍ നമ്മള്‍ക്ക് ഈ ഫീച്ചര്‍ ഉപയോഗിക്കാന്‍ കഴിയുന്നതല്ല.എന്നാല്‍ ഇപ്പോള്‍ ചിത്രങ്ങള്‍ മാത്രമേ ഈ രീതിയില്‍ അയക്കാന്‍ സാധിക്കുകയുള്ളൂ.
ഇതിനെല്ലാം പുറമെ ഇന്ത്യയില്‍ മാത്രമായി യുപിഐ പേമെന്റ് ഫീച്ചറും വാട്സആപ്പ് അവതരിപ്പിച്ചിട്ടുണ്ട്.കൂടാതെ ആഗോളതലത്തില്‍ 120 കോടി ഉപയോക്താക്കളുള്ള ഏറ്റവും വലിയ മെസേജിങ് സേവനമാണ് വാട്സ്ആപ്പ്. അടുത്തിടെ ഗ്രൂപ്പ് ഓഡിയോ കോള്‍ ഫീച്ചര്‍ ആപ്പിന്റെ ഐഓഎസ് പതിപ്പില്‍ അവതരിപ്പിച്ചിരുന്നു.
സുഹൃത്തുക്കള്‍ ആര്‍ക്കെങ്കിലും ഒരു ചിത്രം നിങ്ങള്‍ അയക്കാന്‍ ആഗ്രഹിക്കുന്നുവെങ്കില്‍ അത് മുന്‍ കൂട്ടി വാട്സ്ആപ്പ് സെര്‍വറില്‍ അപ്ലോഡ് ചെയ്തുവെക്കാം. നിങ്ങള്‍ നിശ്ചയിച്ച സമയത്ത് അത് അവര്‍ക്ക് അയക്കാന്‍ സാധിക്കും. ഇതുവഴി 12 ചിത്രങ്ങള്‍ വരെ വാട്സ്ആപ്പ് സെര്‍വറില്‍ മുന്‍കൂട്ടി അപ്ലോഡ് ചെയ്ത് വെക്കാം.