/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/post_banners/41c4da7884236e23c618bcb7405e04cb45dd05a7666ba47c1737f6e240bffba2.jpg)
മുംബൈ: ഞെട്ടിക്കുന്ന പ്രഖ്യാപനവുമായി റിലയന്‍സ് ജിയോ രംഗത്ത്. രാജ്യത്തെ എല്ലാവര്‍ക്കും സൗജന്യമായി 4ജി ഫോണാണ് ജിയോയുടെ വാഗ്ദാനം. ഇതിനായുള്ള 4ജി ഫോണ്‍ കമ്പനി പുറത്തിറക്കി.റിലയന്‍സ് ഇന്‍ഡസ്ട്രീസിന്റെ നാല്‍പ്പതാമത് എജിഎം യോഗത്തിലാണ് മുകേഷ് അംബാനി ഇന്റലിജന്‍സ് സമാര്‍ട്ട് ഫോണാണ് ജിയോ അവതരിപ്പിച്ചിരിക്കുന്നത്. മുംബൈയില്‍ നടന്ന ജിയോയുടെ വാര്‍ഷിക ജനറല്‍ യോഗത്തിലാണ് ഫോണ്‍ പുറത്തിറക്കിയത്. ഫോണ്‍ സൗജന്യമാണെങ്കിലും തിരിച്ച് ലഭിക്കുന്ന തുകയായി 1500 രൂപ സെക്യൂരിറ്റിയായി നല്‍കേണ്ടി വരും.സെക്യൂരിറ്റിയായി സ്വീകരിക്കുന്ന തുക മൂന്ന് വര്‍ഷത്തിന് ശേഷം തിരികെ നല്‍കുമെന്ന് മുകേഷ് അംബാനി പറഞ്ഞു. സാധാരണക്കാരെ ലക്ഷ്യമിട്ടാണ് ഫോണ്‍ ഇറക്കുന്നതെന്നും പൂര്‍ണമായും ഇന്ത്യന്‍ നിര്‍മിതമാണെന്നും അദ്ദേഹം പറഞ്ഞു. ഓഗസ്റ്റ് 24 മുതല്‍ ജിയോ ഫോണ്‍ പ്രീ ബുക്കിംഗ് ആരംഭിക്കും. ആദ്യം ബുക്ക് ചെയ്യുന്നവര്‍ക്ക് ആദ്യം എന്ന വ്യവസ്ഥയിലാണ് ഫോണ്‍ ലഭ്യമാകുക. സെപ്തംബര്‍ മുതല്‍ ഫോണ്‍ ഉപയോക്താക്കള്‍ക്ക് ലഭ്യമാക്കുമെന്ന് കമ്പനി വ്യക്തമാക്കി.ജിയോ ഫോണ്‍ ഉപയോക്താക്കള്‍ മാസം 153 രൂപയ്ക്ക് റീ ചാര്‍ജ് ചെയ്താല്‍ അണ്‍ലിമിറ്റഡ് ഡേറ്റ, വായിസ് കോളുകള്‍, എസ്എംഎസ് എന്നിവ ലഭിക്കും. ജിയോ സിനിമ, ജിയോ മ്യൂസിക് എന്നീ ആപ്ലിക്കേഷനുകള്‍ ഉള്‍പ്പെടുന്നതാണ് ഫീച്ചര്‍ ഫോണ്‍. ആല്‍ഫ ന്യൂമറിക് കീ പാഡ്, 2.4 ഇഞ്ച് ഡിസ്‌പ്ലെ, എഫ്എം റേഡിയോ, ടോര്‍ച്ച് ലൈറ്റ്, ഹെഡ്‌ഫോണ്‍ ജാക്ക്, എസ്ഡി കാര്‍ഡ് സ്ലോട്ട്, നാവിഗേഷന്‍ സിസ്റ്റം, എന്നിവയും ഫോണിലുണ്ട്.>512 എംബി റാമും 4ജി ഇന്റേണല്‍ മെമ്മറിയും ഉള്ളതാണ് ഫോണ്‍.