/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/post_banners/ff65aa784766a863c913ca484bd02ba4e795698bb4f6d5c5f34b6c42e46c819b.jpg)
ആലപ്പുഴ: അക്ഷയ കേന്ദ്രങ്ങളെ അനുകരിച്ചുള്ള സ്വകാര്യ ഓണ്‍ലൈന്‍ സേവന കേന്ദ്രങ്ങള്‍ സര്‍ക്കാര്‍ നിയന്ത്രണത്തിലുള്ളതല്ലെന്ന് ജനം തിരിച്ചറിയുക. നോട്ടു നിരോധനത്തിനു ശേഷം ഓണ്‍ലൈന്‍ ഇടപാടുകളും വര്‍ദ്ധിച്ചിരിക്കുകയാണ്. തിരിച്ചറിയല്‍ രേഖകള്‍, സര്‍ട്ടിഫിക്കറ്റുകള്‍, ആധാര്‍ മുതലായവ സ്‌കാന്‍ ചെയ്തു നല്‍കേണ്ട അപേക്ഷകള്‍ ഓണ്‍ലൈന്‍ ആയി നല്‍കാന്‍ സ്വകാര്യ സ്ഥാപനങ്ങളും ജനങ്ങള്‍ ഉപയോഗപ്പെടുത്തുന്നു. ഇത്തരത്തില്‍ സമര്‍പ്പിക്കപ്പെടുന്ന ഉപഭോക്താക്കളുടെ രേഖകള്‍ അന്യവ്യക്തികള്‍ അനധികൃതമായി ഉപയോഗപ്പെടുത്താന്‍ സാധ്യത കൂടുതലാണ് എന്നുള്ള ഇന്റലിജന്‍സ് റിപ്പോര്‍ട്ടിന്റെ അടിസ്ഥാനത്തിലാണ് നിര്‍ദേശം. അംഗീകൃത കേന്ദ്രങ്ങളുടെ വിശദവിവരങ്ങള്‍ അക്ഷയയുടെ വെബ്സൈറ്റില്‍ ലഭ്യമാണ്. അക്ഷയ കേന്ദ്രങ്ങള്‍ക്ക് സമാനമായ രൂപകല്‍പന, പേര് എന്നിവ ഉപയോഗിച്ചു തെറ്റിദ്ധാരണാജനകമായ രീതിയില്‍ പ്രവര്‍ത്തിക്കുന്ന സ്ഥാപനങ്ങള്‍ക്കെതിരെ പൊതുജനങ്ങള്‍ ജാഗ്രത പാലിക്കണം
വില്ലേജ്/താലൂക്ക് ഓഫീസുകളില്‍ നിന്നുള്ള സര്‍ട്ടിഫിക്കറ്റുകള്‍ (ഇ-ഡിസ്ട്രിക്ട്), ആധാര്‍, ആരോഗ്യ ഇന്‍ഷുറന്‍സ്, ഇ-ഗ്രാന്‍ഡ് എന്നിവ അടക്കം പല ഓണ്‍ലൈന്‍ സര്‍ക്കാര്‍ സേവനങ്ങളും വാണിജ്യാടിസ്ഥാനത്തില്‍ പൊതുജനങ്ങള്‍ക്ക് നല്‍കുവാനുള്ള ആധികാരികമായ പോര്‍ട്ടല്‍ ലോഗിന്‍ സംവിധാനം അക്ഷയ കേന്ദ്രങ്ങളില്‍ മാത്രമാണുള്ളത്. ഈ സേവനങ്ങള്‍ക്ക് പൊതുജനങ്ങളില്‍ നിന്നും സര്‍ക്കാര്‍ നിശ്ചയിച്ച സര്‍വീസ് ചാര്‍ജ് മാത്രമാകും ഈടാക്കുക. ഈ നിരക്കുകള്‍ എല്ലാ അക്ഷയ കേന്ദ്രങ്ങളിലും അക്ഷയ വെബ്‌സൈറ്റിലും പ്രദര്‍ശിപ്പിച്ചിട്ടുള്ളതും എല്ലാ ഇടപാടുകള്‍ക്കും പൊതുജനങ്ങള്‍ക്ക് അക്ഷയ കേന്ദ്രത്തിന്റെ രസീത് നല്‍കുന്നതുമാണ്. അക്ഷയ കേന്ദ്രങ്ങളുടെ മേല്‍നോട്ടത്തിനായി ജില്ലാതലത്തിലും സംസ്ഥാന തലത്തിലും പ്രോജക്ട് ഓഫീസുകള്‍ പ്രവര്‍ത്തിക്കുന്നുണ്ട്. പൊതുജനങ്ങള്‍ക്ക് സേവനങ്ങള്‍ സംബന്ധിച്ചുള്ള സംശയനിവാരണത്തിനും അതുപോലെതന്നെ പരാതികളുടെ പരിഹാരത്തിനും ഈ ഓഫീസുകളുമായി ബന്ധപ്പെടാം. സ്വകാര്യ ഓണ്‍ലൈന്‍ സേവനകേന്ദ്രങ്ങളായി പ്രവര്‍ത്തിക്കുന്ന സ്ഥാപനങ്ങളില്‍ ഇത്തരത്തിലുള്ള നിയന്ത്രണങ്ങള്‍ ബാധകമല്ല. പൊതുജനങ്ങളുടെ രേഖകള്‍ ഇത്തരം സ്വകാര്യ സ്ഥാപനങ്ങള്‍ ദുരുപയോഗം ചെയ്യാനും സാധ്യതയുണ്ട്. സാങ്കേതിക പരിജ്ഞാനമുള്ള പൊതുജനങ്ങള്‍ക്ക് സ്വന്തം ഇമെയില്‍ ഉപയോഗിച്ച് പരസഹായമില്ലാതെ അപേക്ഷ നല്‍കുവാനായി ഇ-ഡിസ്ട്രിക്ട് മുതലായ പോര്‍ട്ടലുകളില്‍ ഉള്ള സൗകര്യമാണ് പല സ്വകാര്യസ്ഥാപനങ്ങളിലും ദുരുപയോഗം ചെയ്യുന്നത്. ഇത്തരത്തില്‍ സര്‍ക്കാര്‍ പോര്‍ട്ടലുകളില്‍ സമര്‍പ്പിക്കപ്പെടുന്ന അപേക്ഷകളുടെ പൂര്‍ണമായ ഉത്തരവാദിത്തം അപേക്ഷകന് മാത്രമാണ്. സര്‍ക്കാര്‍, സര്‍ക്കാരിതര ഓണ്‍ലൈന്‍ സേവനങ്ങള്‍ക്കായി മറ്റു സ്ഥാപനങ്ങളെ ആശ്രയിക്കുന്ന ജനങ്ങള്‍ തങ്ങളുടെ ഇമെയില്‍ അക്കൗണ്ട്, പാസ്-വേര്‍ഡ് പോലെയുള്ള സ്വകാര്യ വിവരങ്ങള്‍ ഒരുകാരണവശാലും കൈമാറാന്‍ പാടില്ല. സര്‍ക്കാര്‍ ഓണ്‍ലൈന്‍ സേവനങ്ങള്‍ക്ക്
അക്ഷയ കേന്ദ്രങ്ങളെ ആശ്രയിക്കുക