വെറും 999 രൂപയ്ക്ക് ജിയോഫൈ ഹോട്ട്സ്പോട്ട് വാങ്ങാം

കോഴിക്കോട്: ജിയോഫൈ പോക്കറ്റ് 4ജി ഹോട്ട്സ്പോട്ട് റൂട്ടറിന് വിലകുറഞ്ഞു. 999 രൂപയ്ക്കാണ് ജിയോഫൈ എം2എസ് മോഡല്‍ വില്‍പനയ്ക്ക് വെച്ചിരിക്കുന്നത്. 1999 രൂപയാണ് ഇതിന്റെ യഥാര്‍ഥ വില. ജിയോയുടെ വെബ്സൈറ്റില്‍ നിന്നും ഫ്‌ലിപ്കാര്‍ട്ടില്‍ നിന്നും ജിയോഫൈ എം2എസ് ഓഫര്‍ വിലയില്‍ വാങ്ങാവുന്നതാണ്.സെപ്റ്റംബര്‍ 20 മുതല്‍ 30 വരെയാണ് ഓഫര്‍ ലഭ്യമാവുക.
2300 mAh ബാറ്ററിയുള്ള ജിയോ ഫൈ എം2എസിനൊപ്പം ഒരു ജിയോ സിം കാര്‍ഡും ലഭിക്കും. ജിയോ ഫൈ കയ്യില്‍ കിട്ടിയ ശേഷം ഈ സിംകാര്‍ഡ് ആധാര്‍ കാര്‍ഡ് ഉപയോഗിച്ച് ആക്റ്റിവേറ്റ് ചെയ്യണം. ജിയോയുടെ താരിഫ് പ്ലാന്‍ അനുസരിച്ചാണ് ജിയോഫൈ പ്രവര്‍ത്തിക്കുന്നത്. ജിയോ4 വോയ്സ് ആപ്പ് വഴി വോയ്സ്‌കേള്‍ ചെയ്യാനും ഇതുവഴി സാധിക്കും. ആമസോണിന്റെ ഗ്രേറ്റ് ഇന്ത്യന്‍ ഫെസ്റ്റിവല്‍ സെയ്ലിലും പേ ടിഎം മാള്‍ മേരാ കാഷ്ബാക്ക് സെയിലിലും ഓഫര്‍ വിലയില്‍ ജിയോഫൈ റൂട്ടര്‍ ലഭ്യമാണ്.