ജിബി വാട്ട്‌സ്ആപ്പ് ഉപയോഗിക്കുന്നവരാണോ? എങ്കില്‍ സൂക്ഷിക്കുക

ന്യൂയോര്‍ക്ക്: ജിബി വാട്ട്‌സ്ആപ്പ് ഉപയോഗിക്കുന്നവരാണെങ്കില്‍ സൂക്ഷിക്കണം. ആഗോളതലത്തില്‍ ഏറ്റവും കൂടുതല്‍ ആളുകള്‍ ഉപയോഗിക്കുന്ന ആപ്പാണ് വാട്ട്‌സ്ആപ്പ്. വാട്ട്‌സ്ആപ്പ് ജിബി ആപ്പ് ഇന്ത്യയിലെ ഉപയോക്താക്കള്‍ക്കിടയില്‍ ചാരപ്പണി നടത്തുന്നതായാണ് റിപ്പോര്‍ട്ട്. സൈബര്‍ സുരക്ഷാ ഗവേഷണ സ്ഥാപനമായ ഇഎസ്ഇടിയാണ് റിപ്പോര്‍ട്ട് പുറത്തിറക്കിയത്.

ഗൂഗിള്‍ പ്ലേ സ്റ്റോറില്‍ വാട്‌സാപ്പിന്റെ ക്ലോണ്‍ ചെയ്ത ആപ്പായ ജിബി ലഭ്യമല്ല. വെബ്സൈറ്റുകള്‍ മുഖേന മാത്രമേ ഇത് ഡൗണ്‍ലോഡ് ചെയ്യാന്‍ സാധിക്കുകയുള്ളൂ. സുരക്ഷാ പരിശോധനകളൊന്നും ഇല്ലാത്ത മാല്‍വെയര്‍ നിറഞ്ഞ ആപ്പിന്റെ ഒന്നില്‍ കൂടുതല്‍ പതിപ്പുകള്‍ ലഭ്യമാണ്. അത്തരം ആപ്പുകള്‍ ഉപയോഗിക്കുന്ന അക്കൗണ്ടുകളെ വാട്ട്‌സ്ആപ്പ് താല്‍ക്കാലികമായി നിരോധിച്ചിട്ട് തുടങ്ങിയിട്ടുണ്ട്.

ഇത്തരം ആപ്പുകള്‍ ഉപയോഗിക്കുന്നത് തുടര്‍ന്നാല്‍ വാട്ട്‌സ്ആപ്പ് ആക്സസ് ചെയ്യുന്നതില്‍ നിന്ന് അവരെ നിരോധിക്കുമെന്നും റിപ്പോര്‍ട്ടില്‍ പറയുന്നു. ഏറ്റവും കൂടുതല്‍ ആന്‍ഡ്രോയിഡ് ട്രോജന്‍ ഡിറ്റക്ഷനുകള്‍ ഉള്ള രാജ്യങ്ങളില്‍ ഒന്നാണ് ഇന്ത്യ. നിയമാനുസൃത പ്രോഗ്രാമായി വേഷം മാറി കമ്പ്യൂട്ടറിലേക്ക് ഡൗണ്‍ലോഡ് ചെയ്യപ്പെടുന്ന മാല്‍വെയറാണ് ട്രോജന്‍ ഏജന്റ്.

നിങ്ങളുടെ ഫോണിന്റെ ദിവസേനയുള്ള പ്രവര്‍ത്തനത്തെ ഇത് ബാധിക്കില്ല.അതുകൊണ്ട് തന്നെ ഈ മാല്‍വെയര്‍ ഫോണിലുണ്ടോ ഇല്ലയോ എന്ന് കണ്ടെത്തുക ബുദ്ധിമുട്ടാണ്. 2022 മെയ് മുതല്‍ ഓഗസ്റ്റ് വരെയുള്ള കണക്കുകള്‍ അനുസരിച്ച് 'മോസി' എന്ന് വിളിക്കുന്ന ഏറ്റവും വലിയ ഇന്റര്‍നെറ്റ് ഓഫ് തിംഗ്‌സ് (കീഠ) ബോട്ട്നെറ്റ് നിര്‍മ്മിക്കുന്നവയുടെ ജിയോലൊക്കേഷനില്‍ രണ്ടാം സ്ഥാനത്താണ് ഇന്ത്യ .'മോസി' ബോട്ട്നെറ്റ് ഓട്ടോപൈലറ്റിലാണെന്നാണ് നിഗമനം.

സ്വന്തം സുരക്ഷ ഉറപ്പാക്കാന്‍ ഗൂഗിള്‍ പ്ലേ സ്റ്റോറിന് പുറത്ത് നിന്ന് ആപ്പുകള്‍ ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യുന്ന രീതി അവസാനിപ്പിക്കുക. മറ്റ് ആപ്പ് ലൈബ്രറികളിലും വെബ്സൈറ്റുകളിലും ഹോസ്റ്റ് ചെയ്തിരിക്കുന്ന മിക്ക അജഗ ഫയലുകളിലും മാല്‍വെയര്‍ ഉണ്ടാകും.

വാട്ട്‌സ്ആപ്പിന്റെ മറ്റേതെങ്കിലും സോഷ്യല്‍ മീഡിയ ആപ്പിന്റെയോ പരിഷ്‌ക്കരിച്ച പതിപ്പുകളൊന്നും ഡൗണ്‍ലോഡ് ചെയ്യരുത്. നിങ്ങളുടെ ഫോണില്‍ മാല്‍വെയര്‍ ബാധിച്ചതായി തോന്നിയാല്‍ ഉടന്‍ തന്നെ ഇന്റര്‍നെറ്റ് കണക്ഷന്‍ വിച്ഛേദിക്കുകയും ഫാക്ടറി റീസെറ്റ് നടത്തുകയും വേണം.

" width="100%" height="411px" frameborder="0" allowfullscreen="allowfullscreen">