/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/post_banners/d8b760d76f55e91218a420e6824d18b63a188b47dd684bb7304969da2008478e.jpg)
പ്രശസ്ത ഹിന്ദി കവയിത്രിയും സ്വാതന്ത്ര്യ സമരനേതാവുമായി മഹാദേവി വര്‍മ്മയെ ആദരിച്ച്‌ ഗൂഗിള്‍ ഡൂഡില്‍. ആധുനിക കാലത്തെ മീര എന്നാണ് മഹാദേവി വര്‍മ്മ അറിയപ്പെട്ടിരുന്നത്.1982-ല്‍ ഇന്ത്യന്‍ സാഹിത്യത്തിന് നല്‍കിയ സംഭവനകള്‍ക്ക് മഹാദേവിക്ക് ജ്ഞാനപീഠ പുരസ്‌ക്കാരം ലഭിച്ചു.
ഭഗല്‍പ്പൂരില്‍ കോളേജ് അധ്യാപകനായിരുന്ന ഗോവിന്ദപ്രസാദ് വര്‍മ്മയുടേയും ഹേംറാണി ദേവിയുടെയും മകളായിരുന്നു മഹാദേവി വര്‍മ്മ. ഏഴു തലമുറകള്‍ക്കു ശേഷമായിരുന്നു, ആ കുടുംബത്തില്‍ ഒരു പെണ്‍കുഞ്ഞു ജനിക്കുന്നത്. അത് ദേവിയുടെ അനുഗ്രഹമായി കരുതിയ ഗോവിന്ദ പ്രസാദിന്റെ അച്ഛനാണ് കുഞ്ഞിനു മഹാദേവി എന്നു പേര് നല്‍കിയത്.
1956-ല്‍ ഭാരത സര്‍ക്കാര്‍ പദ്മഭൂഷണ്‍ നല്‍കി ആദരിച്ചു. 1976-ല്‍ ഭാരത സര്‍ക്കാരിന്റെ ഏറ്റവും ഉയര്‍ന്ന സാഹിത്യ പുരസ്‌കാരമായ കേന്ദ്ര സാഹിത്യ അക്കാദമി ഫെല്ലോഷിപ്പ് ലഭിച്ചു. ഈ പുരസ്‌കാരം നേടുന്ന ആദ്യ വനിതയാണിവര്‍. 1982-ല്‍ ജ്ഞാനപീഠവും ലഭിച്ചു. മരണാനന്തരം, 1988-ല്‍ പത്മവിഭൂഷണ്‍ നല്‍കിയും മഹാദേവി വര്‍മ്മയ്ക്കു രാഷ്ട്രം ആദരവ് നൽകി.