ജിയോ 4ജി ലാപ്ടോപ്പുകളുമായി റിലയന്‍സ് ജിയോ

ജിയോ ഡേറ്റാ വിപ്ലവത്തിന് ശേഷം രാജ്യത്തെ ഇലക്ട്രോണിക് വിപണി കൂടി കീഴടക്കാൻ പദ്ധതിയിട്ട് റിലയൻസ് ജിയോ .സ്മാർട്ട് ഫോണുകൾക്കൊപ്പം ജിയോ 4ജി ലാപ്ടോപ്പുകളും പുറത്തിറക്കുമെന്നതാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്.

4ജി സ്മാർട്ട്ഫോണുകൾ അവതരിപ്പിച്ച ജിയോ 4ജി ലാപ്ടോപ്പുകളും അവതരിപ്പിക്കാൻ പോകുകയാണ്. ആപ്പിൾ മാക് ബുക്കിന് സമാനമായ ലാപ്ടോപ്പാണ് ജിയോ പുറത്തിറക്കുക എന്നും സ്ഥിരീകരിക്കാത്ത റിപ്പോർട്ടുകളുണ്ട്.

4ജി സിം സ്ലോട്ടുമായി പുറത്തിറങ്ങുന്ന ആദ്യ ലാപ്ടോപും ഇതായിരിക്കും. 13.3 ഇഞ്ച് ഫുൾ എച്ച്ഡി ഡിസ്പ്ലെ (ആസ്പെക്ട് റേഷ്യോ 16:6)യുള്ള ലാപ്ടോപ്പ് മഗ്നീഷ്യം ലോഹക്കൂട്ട് ഉപയോഗിച്ചാണ് നിർമിക്കുന്നത്. പുറത്തുവന്ന റിപ്പോർട്ടുകളിൽ ലാപ്ടോപ്പിന്റെ ഇടതു ഭാഗത്തായാണ് 4ജി സിം സ്ലോട്ട് കാണുന്നത്. 12.2 എംഎം കനമുള്ള ലാപ്പിന്റെ ഭാരം 1.2 കിലോഗ്രാമാണ്.

ഇന്റൽ പ്രീമിയം ക്വാഡ് കോർ സിപിയു, 4 ജിബി റാം, 64 ജിബി സ്റ്റോറേജ്, 128 ജിബി വരെ എസ്എസ്ഡി കാര്‍ഡ് ഉപയോഗിച്ച് വർധിപ്പിക്കാം. വിഡിയോ കോളിന് എച്ച്ഡി ക്യാമറ, ബ്ലൂടൂത്ത് 4.0, മൈക്രോ എച്ച്ഡിഎംഐ പോർട്ട്, മൈക്രോ എസ്ഡി കാർഡ് സ്ലോട്ട് എന്നിവ പ്രധാന ഫീച്ചറുകളാണ്. എന്നാല്‍ റിലയന്‍സ് ജിയോ ലാപ്ടോപ്പിനെ കുറിച്ച് ഔദ്യോഗിക പ്രതികരണം നടത്തിയിട്ടില്ല.