ഗൂഗിളിന്റെ സുരക്ഷാവീഴ്ച കണ്ടെത്തി; ഹാള്‍ ഓഫ് ഫെയിമില്‍ ഇടംനേടി പ്രണവ്

ഗൂഗിളിന്റെ സുരക്ഷാവീഴ്ച കണ്ടെത്തി ഹാള്‍ ഓഫ് ഫെയിമില്‍ ഇടംനേടി വൈരങ്കോട്ടെ പ്രണവ് എന്ന ഇരുപത്തിനാലുകാരന്‍.ഉപഭോക്താവിന്റെ അനുവാദമില്ലാതെ ജിമെയില്‍ അക്കൗണ്ട് തുറക്കാനാകുന്ന പിഴവാണ് പ്രണവ് കണ്ടെത്തിയത്.

ഗൂഗിള്‍ നല്‍കുന്ന സേവനങ്ങളിലെ പിഴവുകള്‍ കണ്ടെത്തുന്നവര്‍ക്ക് അവര്‍ ഹാള്‍ ഓഫ് ഫെയിം അംഗീകാരം നല്‍കുന്നുണ്ട്.തെറ്റ് കണ്ടെത്തുന്നവര്‍ക്ക് ഗൂഗിള്‍ പ്രതിഫലവും നല്‍കുന്നുണ്ട്.ചൂണ്ടിക്കാണിച്ച പിഴവുകളുടെ എണ്ണവും ഗൗരവവും കണക്കിലെടുത്താണ് പട്ടികയിലെ സ്ഥാനം നിര്‍ണയിക്കുന്നത്.

തിരൂരിലെ വൈരങ്കോട് പുതുക്കുടി വീട്ടില്‍ രമേഷ്ബാബുവിന്റെയും പ്രീതയുടെയും മകനാണ് പ്രണവ്. രണ്ടുവര്‍ഷമായി ചെന്നൈ ഫിലിപ്‌സ് കമ്പനിയില്‍ സെക്യൂരിറ്റി എന്‍ജിനീയറായി ജോലിചെയ്യുന്നു.