'റെയിന്‍ബോ ലവ്'; ട്രാന്‍സ് കമ്മ്യൂണിറ്റിക്കായി ഇനി പുതിയ മാട്രിമോണിയല്‍ ആപ്പ്

ട്രാന്‍സ് കമ്മ്യൂണിറ്റിയിലെ അംഗങ്ങള്‍ക്കായി പുതിയ മാട്രിമോണിയല്‍ ആപ്ലിക്കേഷന്‍ ലോഞ്ച് ചെയ്തു. മാച്ച് മേക്കിംഗ് സേവനമായ മാട്രിമോണി.കോം ആണ് റെയിന്‍ബോ ലവ് ലോഞ്ച് ചെയ്തിരിക്കുന്നത്. ഇന്ത്യയിലെ ഉപയോക്താക്കളുടെ എണ്ണം ഉയര്‍ത്തുന്നതിനായി പ്രാദേശിക ഭാഷകളുടെ പിന്തുണയോടെയാണ് ആപ്പ് പുറത്തിറക്കിയിരിക്കുന്നത്.

രാജ്യത്തെ 13 മില്യണ്‍ ഉപയോക്താക്കള്‍ മാട്രിമോണിയല്‍ സേവനം പ്രയോജനപ്പെടുത്താന്‍ ശ്രമിക്കുന്നതായി റിപ്പോര്‍ട്ടുകള്‍ വന്നതിനെ തുടര്‍ന്നാണ് ആപ്പ് റിലീസ് ചെയ്തത്.ഐഒഎസ്, ആന്‍ഡ്രോയിഡ് സ്മാര്‍ട്ട്ഫോണുകളില്‍ ഡൗണ്‍ലോഡ് ചെയ്യാന്‍ കഴിയുന്ന തരത്തില്‍ റെയിന്‍ബോ ലവ് ലഭ്യമാണ്. സുരക്ഷാ ആവശ്യങ്ങള്‍ക്കായി ഉപയോക്താക്കള്‍ക്ക് സര്‍ക്കാര്‍ നല്‍കിയ തിരിച്ചറിയല്‍ രേഖ ഇതിനായി നല്‍കണം.

കമ്മ്യൂണിറ്റിയെക്കുറിച്ചുള്ള ഔദ്യോഗിക ഡാറ്റകളുടെ അഭാവം ഉണ്ടായിട്ടും രാജ്യത്ത് 11 ദശലക്ഷത്തിനും 13 ദശലക്ഷത്തിനും ഇടയില്‍ ഉപയോക്താക്കള്‍ക്ക് സേവനം നല്‍കാന്‍ ആപ്പ് ശ്രമിക്കുന്നുണ്ടെന്നാണ് റോയിട്ടേഴ്സിന്റെ റിപ്പോര്‍ട്ട്.റെയിന്‍ബോ ലവ് ഗൂഗിള്‍ പ്ലേ സ്റ്റോറിലൂടെയും ആപ്പ് സ്റ്റോറിലൂടെയും ഡൗണ്‍ലോഡ് ചെയ്യാം.

122-ലധികം ഓറിയന്റേഷന്‍ ടാഗുകളും 48 പ്രോനൗണ്‍സും 45 ജെന്‍ഡര്‍ ഐഡന്റിറ്റികളും ഉള്‍ക്കൊള്ളുന്നുവെന്ന് റിപ്പോര്‍ട്ട് പറയുന്നു.ഉപയോക്താക്കള്‍ക്ക് ഐഒഎസ്, ആന്‍ഡ്രോയിഡ് സ്മാര്‍ട്ട്ഫോണുകളില്‍ ആപ്പ് ഇന്‍സ്റ്റാള്‍ ചെയ്യാം. പക്ഷേ സേവനത്തിന്റെ സുരക്ഷാ നടപടികളുടെ ഭാഗമായി സെല്‍ഫി പരിശോധനയ്ക്കൊപ്പം സര്‍ക്കാര്‍ നല്‍കിയ ഐഡന്റിഫിക്കേഷന്‍ കൂടി സമര്‍പ്പിക്കേണ്ടതുണ്ട്.

പുതിയ ആപ്പ്, ബംബിള്‍, ഗ്രിന്‍ഡ്ര്‍ എന്നിവ പോലുള്ള സ്ഥാപിത ഡേറ്റിംഗ് ആപ്പുകള്‍ക്ക് എതിരായി റെയിന്‍ബോ ലവ് മാറുമെന്നാണ് സൂചന. ഇത് ഉപയോക്താക്കള്‍ക്ക് പ്രോനൗണ്‍സും ജെന്‍ഡര്‍ ഐഡന്റിറ്റികളും തിരഞ്ഞെടുക്കാനുള്ള അവസരം വാഗ്ദാനം ചെയ്യുന്നുണ്ട്.

2018 ലെ സുപ്രീം കോടതി വിധി പ്രകാരം ഇന്ത്യന്‍ ശിക്ഷാ നിയമത്തിലെ സെക്ഷന്‍ 377 ഭാഗികമായി റദ്ദാക്കിക്കൊണ്ട് ട്രാന്‍സ് കമ്മ്യൂണിറ്റിയുടെ അവകാശങ്ങള്‍ മെച്ചപ്പെടുത്തിയിട്ടുണ്ട്. എങ്കിലും രാജ്യത്തെ നിയമങ്ങള്‍ നിലവില്‍ സ്വവര്‍ഗ വിവാഹത്തിന് നിയമപരമായ പദവി നല്‍കുന്നില്ല എന്നത് ശ്രദ്ധേയമാണ്.

മാട്രിമോണി.കോം രാജ്യത്ത് ഉപയോക്തൃ സേവനങ്ങള്‍ വര്‍ദ്ധിപ്പിക്കുന്നതിനുള്ള ശ്രമത്തിന്റെ ഭാഗമായി പ്രാദേശിക ഭാഷകളുടെ പിന്തുണയോടെ ജോഡി എന്ന ആപ്ലിക്കേഷന്‍ പുറത്തിറക്കിയിരുന്നു. ഇതിന് മാസങ്ങള്‍ക്ക് ശേഷമാണ് റെയിന്‍ബോ ലവിന്റെ സമാരംഭം എന്ന് റിപ്പോര്‍ട്ടുകള്‍ പറയുന്നു.