ദുൽഖർ സൽമാൻ-വെങ്കി അറ്റ്‌ലൂരി ചിത്രം 'ലക്കി ഭാസ്‌കർ' ! ടീസർ റിലീസായി...

ചുരുങ്ങിയ കാലയളവിൽ വ്യത്യസ്തമായ കഥാപാത്രങ്ങളെ അവതരിപ്പിച്ച് ലോകമെമ്പാടുമുള്ള പ്രേക്ഷക ഹൃദയങ്ങളിൽ തന്റേതായ സ്ഥാനം ഊട്ടിയുറപ്പിച്ച വ്യക്തിയാണ് ദുൽഖർ സൽമാൻ. 'മഹാനടി', 'സീതാ രാമം' തുടങ്ങിയ ബ്ലോക്ക്ബസ്റ്റർ ചിത്രങ്ങളിലൂടെ തെലുങ്ക് സിനിമാ പ്രേമികൾക്കിടയിൽ അദ്ദേഹത്തിന് വലിയ ആരാധകരുണ്ട്. താരത്തിന്റെ വരാനിരിക്കുന്ന ബഹുഭാഷാ ചിത്രമായ 'ലക്കി ഭാസ്‌കർ'നായ് അദ്ദേഹം സംവിധായകൻ വെങ്കി അറ്റ്‌ലൂരിയുമായി ചേർന്നു.ഇപ്പോഴിതാ ചിത്രത്തിന്റെ  ടീസർ പുറത്തിറക്കിയിരിക്കുകയാണ്  നിർമ്മാതാക്കൾ. 

'ലക്കി ഭാസ്‌കർ'ൽ  ഒരു സാധാരണക്കാരനായ ബാങ്ക് കാഷ്യറുടെ വേഷത്തിലാണ് ദുൽഖർ എത്തുന്നത്. ഇതുവരെ കാണാത്ത ലുക്കിൽ, എത്തുന്ന  കഥാപാത്രത്തിൽ ആകർഷകത്വം പ്രകടിപ്പിക്കുന്നു.കൂടുതൽ സമ്പത്ത് ഉണ്ടാക്കുന്നതിനായുള്ള ബാസ്‌ഖറിൻ്റെ അസാധാരണ യാത്രയാണ് ടീസർ പിന്തുടരുന്നത്. "ഒരു ഇടത്തരക്കാരന് പിശുക്ക് ജീവിതം നയിച്ച് തൻ്റെ സമ്പാദ്യം വർദ്ധിപ്പിക്കാനും വെല്ലുവിളിക്കുകയാണെങ്കിൽ വലിയ തുക ചെലവഴിക്കാനും കഴിയും" എന്ന ബാസ്കറിന്റെ ഡയലോഗാണ് ടീസറിൽ പ്രധാനമായും പ്രതിധ്വനിക്കുന്നത്. എന്തുകൊണ്ടാണ് അദ്ദേഹത്തെ ചോദ്യം ചെയ്യുന്നത് ? അവൻ എങ്ങനെയാണ് ഇത്രയും വലിയ പണം സമ്പാദിച്ചത് ? തുടങ്ങിയ ചോദ്യങ്ങളാണ് ടീസറിലൂടെ പ്രേക്ഷകരിൽ കൗതുകമുണർത്തുന്നത്. ‍

ബ്ലോക്ക്ബസ്റ്റർ എഴുത്തുകാരനും സംവിധായകനുമായ വെങ്കി അറ്റ്ലൂരിയുടെ മുൻ ചിത്രമായ 'വാത്തി' സാമൂഹിക പ്രതിബദ്ധതയുള്ള ഒരു ബ്ലോക്ക്ബസ്റ്റർ എൻ്റർടെയ്‌നർ എന്ന നിലയിൽ നിരൂപകരുടെയും പ്രേക്ഷകരുടെയും പ്രശംസ നേടിയിരുന്നു.ചിത്രത്തിൽ ദുൽഖറിനൊപ്പം നായികയായി എത്തുന്നത് മീനാക്ഷി ചൗധരിയാണ്. അടുത്തിടെ മഹേഷ് ബാബു നായകനായ 'ഗുണ്ടൂർ കാരം'ത്തിൻ്റെ ഭാഗമായിരുന്ന അവർക്ക് തെലുങ്ക് നടിമാർക്കിടയിൽ ജനപ്രീതി വർദ്ധിച്ചുകൊണ്ടിരിക്കുകയാണ്.

സിത്താര എൻ്റർടൈൻമെൻ്റ്‌സിൻ്റെയും ഫോർച്യൂൺ ഫോർ സിനിമാസിൻ്റെയും ബാനറിൽ സൂര്യദേവര നാഗ വംശിയും സായ് സൗജന്യയും ചേർന്നാണ് ചിത്രം നിർമ്മിച്ചിരിക്കുന്നത്. ശ്രീകര സ്റ്റുഡിയോസാണ് ചിത്രം അവതരിപ്പിക്കുന്നത്. ലക്കി ബാസ്ഖറിന് ഛായാഗ്രാഹകൻ നിമിഷ് രവി, പ്രൊഡക്ഷൻ ഡിസൈൻ ബംഗ്ലാൻ, എഡിറ്റർ നവിൻ നൂലി എന്നിങ്ങനെയുള്ള ഒരു മികച്ച സാങ്കേതിക സംഘത്തിൻ്റെ പിന്തുണയുണ്ട്.

ജിവി പ്രകാശ് കുമാറാണ് ചിത്രത്തിന് സംഗീതം നൽകിയിരിക്കുന്നത്. ടീസറിന് അദ്ദേഹം നൽകിയ സ്കോർ കാഴ്ചക്കാരുടെ അനുഭവം ഉയർത്തുന്നു.ലോകമെമ്പാടും തെലുങ്ക്, തമിഴ്, മലയാളം, കന്നഡ, ഹിന്ദി ഭാഷകളിൽ 'ലക്കി ബാസ്‌ഖർ' റിലീസ് ചെയ്യും. ചിത്രത്തെക്കുറിച്ചുള്ള കൂടുതൽ വിവരങ്ങൾ ഉടൻ വെളിപ്പെടുത്തും. പിആർഒ: ശബരി.