'ഒറിജിനൽ ആനപ്പിണ്ടം തന്നെ വേണം'; നിർത്താതെ ഓടിയ കഥ

വൻ പ്രേക്ഷകപ്രീതി സ്വന്തമാക്കി തിയേറ്ററുകളിൽ കുതിക്കുകയാണ് ആസിഫ് അലി, ബിജു മേനോൻ എന്നിവരെ നായകന്മാരാക്കി ജിസ് ജോയ് സംവിധാനംചെയ്ത തലവൻ. ക്യാമറയ്ക്ക് മുന്നിലും പിന്നിലും മികച്ച ടീം തന്നെയാണ് ചിത്രത്തിനുവേണ്ടി അണിനിരന്നത്. ഇപ്പോഴിതാ ചിത്രത്തിലെ ഒരു രം​ഗം പരിപൂർണതയിലെത്തിക്കാൻ നടത്തിയ ഓട്ടത്തേക്കുറിച്ച് തുറന്നുപറഞ്ഞിരിക്കുകയാണ് സഹ കലാസംവിധായകനായ അനൂപ് ചാലിശ്ശേരി

സിനിമയിലെ ഒരു രം​ഗത്തിലേക്ക് ഒറിജിനൽ പനമ്പട്ടയും ആനപ്പിണ്ടവും വേണം. ഈ രം​ഗം ചിത്രീകരിക്കുന്നതിന് ആനപ്പിണ്ടം സംഘടിപ്പിക്കാനായി ഓടിയ ഓട്ടത്തേക്കുറിച്ചാണ് അനൂപ് ചാലിശ്ശേരി ഫെയ്സ്ബുക്കിൽ കുറിച്ചത്. 'തലവൻ'സൂപ്പർ ഡ്യൂപ്പർ ഹിറ്റാകുമ്പോൾ സിനിമയുടെ പിന്നാമ്പുറത്ത് നിന്ന് ആരും പറയാത്ത ഒരു കഥൈ സൊല്ലട്ടുമാ.... എന്ന ആമുഖത്തോടെയാണ് അനൂപ് കുറിപ്പ് ആരംഭിക്കുന്നത്.