ഭീഷ്മപർവ്വത്തിന് ശേഷം വീണ്ടും ദേവദത്ത് ഷാജി; 'ധീരൻ' പോസ്റ്റർ പുറത്ത്

തിരക്കഥാകൃത്തും സഹ സംവിധായകനുമായിരുന്ന  ദേവദത്ത് ഷാജി സംവിധായകനായി അരങ്ങേറ്റം കുറിക്കുന്നു. ‘ധീരൻ’ ചിത്രത്തിന്റെ ടൈറ്റിൽ പോസ്റ്റർ ദേവദത്ത് തന്നെയാണ് സോഷ്യൽ മീഡിയയിൽ പങ്കുവെച്ചത്. അമൽ നീരദ് ചിത്രം ‘ഭീഷ്മപർവ്വ’ത്തിന് ശേഷം ദേവദത്ത് തിരക്കഥയെഴുതുന്ന ചിത്രം കൂടിയാണ് ധീരൻ. ‘വികൃതി’ , ‘ജാൻ.എ.മൻ’, ‘ജയ ജയ ജയ ജയ ഹേ’, ‘ഫാലിമി’ എന്നീ ചിത്രങ്ങൾക്ക് ശേഷം ലക്ഷ്മി വാര്യരും ഗണേഷ് മേനോനും ചേർന്നാണ് ചിത്രം നിർമ്മിയ്ക്കുന്നത്.

View this post on Instagram

A post shared by Devadath Shaji (@devadath_shaji)

ക്രിസ്റ്റോ സേവ്യർ ആണ് ചിത്രത്തിന് സംഗീതം നൽകുന്നത്. തിരക്കഥാകൃത്തും സംവിധായകനുമായിരുന്ന ലോഹിതദാസിന്റെ മകൻ ഹരികൃഷ്ണൻ ലോഹിതദാസ് ആണ് ചിത്രത്തിന് വേണ്ടി ഛായാഗ്രഹണം നിർവഹിക്കുന്നത്. ചിത്രത്തിന്റെ മറ്റ് വിവരങ്ങൾ വരും ദിവസങ്ങളിൽ പുറത്തുവരും