ഉര്‍വ്വശി മികച്ച സഹനടി

ന്യൂഡല്‍ഹി: എഴുപത്തിയൊന്നാമത് ദേശീയ ചലച്ചിത്ര പുരസ്‌കാരങ്ങള്‍ പ്രഖ്യാപിച്ചു. ബോളിവുഡ് താരങ്ങളായ ഷാറൂഖ് ഖാനും വിക്രാന്ത് മാസിയും മികച്ച നടനുള്ള പുരസ്‌കാരം പങ്കിട്ടു. ജവാന്‍ എന്ന സിനിമയിലെ പ്രകടനത്തിനാണ് ഷാറൂഖിന് പുരസ്‌കാരം. 

ട്വല്‍ത്ത് ഫെയില്‍ എന്ന ചിത്രമാണ് നടന്‍ വിക്രാന്ത് മാസിയെ പുരസ്‌കാരത്തിന് അര്‍ഹനാക്കിയത്. റാണി മുഖര്‍ജിയാണ് മികച്ച നടി. മിസ്സിസ് ചാറ്റര്‍ജി വേഴ്‌സസ് നോര്‍വേ എന്ന ചിത്രത്തിലെ അഭിനയത്തിനാണ് പുരസ്‌കാരം. മികച്ച സഹനടിക്കുള്ള പുരസ്‌കാരം ഉള്ളൊഴുക്കിലെ അഭിനയത്തിന് ഉര്‍വശി സ്വന്തമാക്കി. ഇത് രണ്ടാം തവണയാണ് ഉര്‍വശി മികച്ച സഹനടിക്കുള്ള ദേശീയ പുരസ്‌കാരം നേടുന്നത്. 

'പൂക്കാലം' എന്ന ചിത്രത്തിലെ അഭിനയത്തിലൂടെ വിജയരാഘവന്‍ മികച്ച സഹനടനുള്ള ദേശീയ പുരസ്‌കാരം സ്വന്തമാക്കി. ഇതാദ്യമായാണ് വിജയരാഘവന്‍ ദേശീയ പുരസ്‌കാരം നേടുന്നത്. ദി കേരള സ്റ്റോറി മികച്ച ചിത്രമായി തിരഞ്ഞെടുക്കപ്പെട്ടു.  മികച്ച മലയാള ചിത്രത്തിനുള്ള പുരസ്‌കാരം ക്രിസ്റ്റോ ടോമി സംവിധാനം ചെയ്ത ഉള്ളൊഴുക്കിനാണ്.

മികച്ച സഹനടന്‍

1. വിജയരാഘവന്‍- പൂക്കളം (മലയാളം)

2. മുത്തുപേട്ടൈ സോമു ഭാസ്‌കര്‍- പാര്‍ക്കിംഗ് (തമിഴ്)

മികച്ച സഹനടി

1. ഉര്‍വശി- ഉള്ളൊഴുക്ക് (മലയാളം)

2. ജാന്‍കി ബോഡിവാല- വഷ് (ഗുജറാത്തി)

മികച്ച ബാലതാരം

1. സുക്രിതി വേണി ബന്ദ്‌റെഡ്ഡി- ഗാന്ധി തഥാ ചെത്തു (തെലുങ്ക്)

2. കബീര്‍ ഖണ്ഡാരെ- ജിപ്‌സി (മറാഠി)

3. ത്രീഷ തോസാര്‍, ശ്രീനിവാസ് പോകലെ, ഭാര്‍ഗവ് ജാഗ്‌ടോപ്പ്- നാല്‍ 2 (മറാഠി)

മികച്ച ഗായകന്‍

പിവിഎന്‍ എസ് രോഹിത്- പ്രേമിസ്തുനാ (ബേബി)- തെലുങ്ക്

 
മികച്ച ഗായിക

ശില്‍പ റാവു- ചലിയ (ജവാന്‍)- ഹിന്ദി

മികച്ച ഛായാഗ്രഹണം

പ്രശന്തനു മൊഹാപാത്ര- ദി കേരള സ്റ്റോറി (ഹിന്ദി)

മികച്ച സംഭാഷണം

ദീപക് കിംഗ്രാമി- സിര്‍ഫ് ഏത് ബന്ദാ ഹൈ (ഹിന്ദി)

 മികച്ച തിരക്കഥ

1. സായ് രാജേഷ് നീലം- ബേബി (തെലുങ്ക്)

2. രാംകുമാര്‍ ബാലകൃഷ്ണന്‍- പാര്‍ക്കിംഗ് (തമിഴ്)

മികച്ച സൗണ്ട് ഡിസൈന്‍

സച്ചിന്‍ സുധാകരന്‍, ഹരിഹരന്‍ മുരളീധരന്‍- അനിമല്‍ (ഹിന്ദി)

മികച്ച എഡിറ്റിംഗ്

മിഥുന്‍ മുരളി- പൂക്കാലം (മലയാളം)

 മികച്ച പ്രൊഡക്ഷന്‍ ഡിസൈന്‍

മോഹന്‍ദാസ്- 2018 (മലയാളം)

 മികച്ച വസ്ത്രാലങ്കാരം

സച്ചിന്‍ ലവ്‌ലേക്കര്‍, ദിവ്യ ഗംഭീര്‍, നിധി ഗംഭീര്‍- സാം ബഹാദൂര്‍ (ഹിന്ദി)

മികച്ച മേക്കപ്പ്

ശ്രീകാന്ത് ദേശായി- സാം ബഹാദൂര്‍ (ഹിന്ദി)

മികച്ച പശ്ചാത്തല സംഗീതം

ഹര്‍ഷ്‌വര്‍ധന്‍ രാമേശ്വര്‍- അനിമല്‍ (ഹിന്ദി)

 മികച്ച സംഗീത സംവിധാനം

ജി വി പ്രകാശ് കുമാര്‍- വാത്തി (തമിഴ്)

 മികച്ച വരികള്‍

കോസര്‍ല ശ്യാം- ഊരു പല്ലേതുരു (തെലുങ്ക്)

മികച്ച നൃത്തസംവിധാനം

വൈഭവി മെര്‍ച്ചെന്റ്- റോക്കി ഓര്‍ റാണി കി പ്രേം കഹാനി (ഹിന്ദി)

 മികച്ച ആക്ഷന്‍ കൊറിയോഗ്രഫി

നന്ദു, പൃഥ്വി- ഹനുമാന്‍ (തെലുങ്ക്)

മികച്ച ഹിന്ദി ചിത്രം

കാതല്‍: എ ജാക്ക് ഫ്രൂട്ട് മിസ്റ്ററി

 മികച്ച കന്നഡ ചിത്രം

കണ്ടീലു- ദി റേ ഓഫ് ഹോപ്പ്