പൊലീസ് ഡേ ഒടിടിയിലേക്ക്

കൊച്ചി: ടിനി ടോമിനെ നായകനാക്കി സന്തോഷ് മോഹന്‍ പാലോട് സംവിധാനം ചെയ്ത ചിത്രമാണ് ജൂണില്‍ തിയേറ്ററുകളിലെത്തിയ 'പോലീസ് ഡേ.' ക്രൈം ഇന്‍വസ്റ്റിഗേഷന്‍ ത്രില്ലറായി ഒരുക്കിയിരിക്കുന്ന ചിത്രത്തില്‍ പൊലീസ് ഉദ്യോഗസ്ഥന്റെ വേഷത്തിലാണ് ടിനി ടോം എത്തുന്നത്. ചിത്രം ഒടിടിയില്‍ റിലീസിനൊരുങ്ങുകയാണ്.

ഇതുവരെ അവതരിപ്പിക്കാത്ത വേഷത്തിലാണ് ടിനി ടോം ചിത്രത്തില്‍ കൈകാര്യംചെയ്യുന്നത്. ഉന്നത പൊലീസ് ഉദ്യോഗസ്ഥന്റെ മരണമാണ് ചിത്രത്തില്‍ ഏറെ ഉദ്വേഗവും സസ്പെന്‍സും നല്‍കി അവതരിപ്പിക്കുന്നത്. നന്ദു, അന്‍സിബ, ധര്‍മ്മജന്‍ ബൊള്‍ഗാട്ടി, നോബി, ശ്രീധന്യ എന്നിവരും നിരവധി പുതുമുഖങ്ങളും ചിത്രത്തില്‍ അണിനിരക്കുന്നു.

സദാനന്ദ സിനിമയുടെ ബാനറില്‍ സജു വൈദ്യര്‍, ഷാജി മാറഞ്ചല്‍, ലീലാകുമാരി എന്നിവരാണ് ചിത്രത്തിന്റെ നിര്‍മാണം. ചിത്രത്തിനായി തിരക്കഥ ഒരുക്കിയിരിക്കുന്നത് മനോജ് ഐ.ജി ആണ്, ഗാനങ്ങള്‍ - രാജീവ് ആലുങ്കല്‍, ജോസ് മോത്ത, ബിജു ജോസ് എന്നിവരുമം സംഗീതം സംവിധാനം റോണി റാഫേല്‍, ഡിനുമോഹന്‍ എന്നിവരുമാണ് നിര്‍വഹിക്കുന്നത്. ഛായാഗ്രഹണം - ഇന്ദ്രജിത്ത് എസും എഡിറ്റിംഗ് രാകേഷ് അശോകനും നിര്‍വഹിക്കുന്നു.