ഹൈദരാബാദ് സ്വദേശിയായ ബിസിനസ്സുകാരന്‍ ആശ്രിതാണ് പാര്‍വതിയുടെ വരന്‍

ചെന്നൈ: നടി പാര്‍വതി നായര്‍ വിവാഹിതയായി. ഹൈദരാബാദ് സ്വദേശിയായ ബിസിനസ്സുകാരന്‍ ആശ്രിതാണ് പാര്‍വതിയുടെ വരന്‍. ചെന്നൈയില്‍  നടന്ന വിവാഹത്തിന്റെ ചിത്രങ്ങള്‍  സോഷ്യല്‍മീഡിയയില്‍ വൈറലാണ്. 

ഈ അടുത്തക്കാലത്താണ് താന്‍ പ്രണയത്തിലാണെന്ന് പാര്‍വതി സമൂഹ മാധ്യമങ്ങളിലൂടെ ആരാധകരെ അറിയിച്ചത്. എന്റെ പ്രണയത്തിനൊപ്പം ജീവിതം മറ്റൊരു ഘട്ടത്തിലേക്ക് കടക്കാന്‍ പോകുന്നുവെന്ന് ആരാധകരെ അറിയിക്കുന്നതില്‍ സന്തോഷമുണ്ടെന്നും പാര്‍വതി പറഞ്ഞിരുന്നു. 

ഒരു പാര്‍ട്ടിയില്‍ വച്ചാണ് ആശ്രിതിനെ പാര്‍വതി ആദ്യമായി കാണുന്നത്. തീര്‍ത്തും യാദൃശ്ചികമായൊരു കണ്ടുമുട്ടല്‍ ആയിരുന്നു അതെന്നും എന്നാല്‍ കണ്ട ദിവസം മുന്‍പരിചയം ഉള്ളവരെ പോലെ ഇരുവരും ഒരുപാട് നേരം സംസാരിച്ചെന്നും താരം നേരത്തെ പറഞ്ഞിരുന്നു. കൂടുതല്‍ അടുത്തറിയാന്‍ ഞങ്ങള്‍ക്ക് കുറച്ച് മാസങ്ങള്‍ എടുത്തുവെന്നും പാര്‍വതി കൂട്ടിച്ചേര്‍ത്തു.

മലയാളിയായ പാര്‍വതി മോഡലിങ്ങിലൂടെയാണ് സിനിമയിലെത്തുന്നത്. പോപ്പിന്‍സ് എന്ന ചിത്രത്തിലൂടെയായിരുന്നു അരങ്ങേറ്റം. പിന്നീട് യക്ഷി, ഫെയ്ത്ഫുള്ളി യുവേഴ്സ്, നീ കൊ ഞാ ചാ, ഡോള്‍സ് തുടങ്ങിയ മലയാള ചിത്രങ്ങളില്‍ വേഷമിട്ട താരം പിന്നീട് കന്നഡയിലും തമിഴിലും ചിത്രങ്ങള്‍ ചെയ്തു. ഉത്തമ വില്ലന്‍, ജെയിംസ് ആന്‍ഡ് ആലീസ്, നിമിര്‍, നീരാളി, സീതാക്കത്തി തുടങ്ങിയവയാണ് മറ്റ് ശ്രദ്ധേയ ചിത്രങ്ങള്‍.