/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/member_avatars/2025/01/24/2025-01-24t111056647z-bijuks.png )
/kalakaumudi/media/media_files/2025/11/10/big-boss-2025-11-10-07-59-13.jpg)
കൊച്ചി: മലയാളി കുടുംബ പ്രേക്ഷകരുടെ ഇടയില് വന്സ്വാധീനം നേടിയ ടിവി ഷോയാണ് ബിഗ് ബോസ്. ഏവരും പ്രതീക്ഷിച്ചിരുന്ന ബിഗ് ബോസ് വിന്നറെ മോഹന്ലാല് പ്രഖ്യാപിച്ചു. അനുമോളാണ് ബിഗ് ബോസ് മലയാളം സീസണ് ഏഴിന്റെ വിജയി. അനീഷ് റണ്ണറപ്പായി.
ഇത്തവണത്തെ ടോപ് ഫൈവില് ഒരേയൊരു വനിതാ മത്സരാര്ഥി മാത്രമേ ഉണ്ടായിരുന്നുള്ളൂ- അനുമോള്. ഒടുവില് അനുമോള് തന്നെ വിന്നറാകുകയും ചെയ്തു എന്നതാണ് ഇത്തവണത്തെ സീസണിന്റെ പ്രധാന പ്രത്യേകത. ഇത് രണ്ടാം തവണയാണ് ബിഗ് ബോസ് മലയാളത്തിന് ഒരു വനിതാ വിജയി ഉണ്ടാകുന്നത്. ബിഗ് ബോസ് മലയാളം സീസണ് നാലില് ദില്ഷാ പ്രസന്നനനായിരുന്നു വിജയി.
അനുമോള്, അനീഷ്, ഷാനവാസ്, നെവിന്, അക്ബര് എന്നിവരായിരുന്നു ഇത്തവണത്തെ ഫൈനല് ടോപ് ഫൈവില് എത്തിയത്. ഇവരില് അക്ബറായിരുന്നു ആദ്യം പുറത്തായത്. തുടര്ന്ന് യഥാക്രമം നെവിന്, ഷാനവാസ്, എന്നിവരും പുറത്തായി. പിന്നീട് ബാക്കിയായ അനീഷിനെയും അനുമോളെയും ബിഗ് ബോസ് വീട്ടിലെത്തി മോഹന്ലാല് ഗ്രാന്ഡ് ഫിനാലെ വേദിയിലേക്ക് ക്ഷണിച്ചുകൊണ്ടുവരികയായിരുന്നു. ഒടുവില് വോട്ടുകള് മാറിമറിഞ്ഞ നാടകീയ നിമിഷങ്ങള്ക്കൊടുവില് മോഹന്ലാല് അനുമോളുടെ കയ്യ് പിടിച്ച് ഉയര്ത്തുകയായിരുന്നു. ബിഗ് ബോസിന് വീണ്ടും ഒരു വനിതാ വിജയി.
വര്ണാഭമായ ചടങ്ങില് മോഹന്ലാല് തന്നെ ബിഗ് ബോസ് ട്രോഫി അനുമോള്ക്ക് സമ്മാനിച്ചു. 50 ലക്ഷം രൂപയാണ് സമ്മാനത്തുക. കോമണര് റണ്ണറപ്പായി എന്ന ഒരു പ്രത്യേകതയും ഇത്തവണത്തെ ബിഗ് ബോസിനുണ്ട്. മൈജി കോണ്ടെസ്റ്റില് വിജയിയായാണ് അനീഷി ടി എ ബിഗ് ബോസില് കോമണറായി മത്സരിക്കാന് യോഗ്യത നേടിയിരുന്നത്.