നിക്ക് ജൊനാസിനും മകൾ മാല്‍തി മേരി ചോപ്രയ്ക്കും ഒപ്പമുള്ള സന്തോഷ നിമിഷങ്ങൾ പങ്കുവെച്ചു പ്രിയങ്ക ചോപ്ര

ഭര്‍ത്താവും ഗായകനുമായ നിക്ക് ജൊനാസിനും മകൾ  മാല്‍തി മേരി ചോപ്രയ്ക്കും ഒപ്പമുള്ള സന്തോഷ നിമിഷങ്ങൾ ഇന്‍സ്റ്റഗ്രാമിലൂടെ പങ്കുവെച്ചിരിക്കുകയാണ് നടി പ്രിയങ്ക ചോപ്ര .

നിക്ക് ജൊനാസിന്റെ ഫ്‌ളോറിഡയില്‍ നടന്ന സംഗീത പരിപാടിക്കിടെ  മാള്‍ട്ടി വേദിയിലേക്ക് ഓടിക്കയറാന്‍ ശ്രമിക്കുന്നതും അച്ഛനോടൊപ്പം പാട്ട് പാടുന്നതുമെല്ലാം ചിത്രങ്ങളില്‍ കാണാം.

ഡാഡിക്കൊപ്പമുള്ള യാത്ര എപ്പോഴും രസകരമാണ്' എന്ന ക്യാപ്ഷനും ഇതിനൊപ്പം ചേർക്കുന്നുണ്ട് . വിമാനത്തിന്റെ ജനലിലൂടെ പുറത്തേക്ക് നോക്കിയിരിക്കുന്നതും സംഗീത പരിപാടിക്കിടെ ആരാധകര്‍ക്ക് ഹൈ-ഫൈവ് നല്‍കുന്നതും എല്ലാം  ചിത്രങ്ങളില്‍ കാണാൻ സാധിക്കും .

വേദിയിലുള്ള അച്ഛന്റെ അടുത്തേക്ക് മാല്‍തി ഓടാന്‍ ശ്രമിക്കുന്നതിന്റെ വീഡിയോകളാണ് ഇതിലെ പ്രധാന ആകര്‍ഷണം. മാല്‍തി മുന്നോട്ട് ഓടാതിരിക്കാന്‍ പ്രിയങ്ക അവളുടെ ഉടുപ്പില്‍ പതുക്കെ പിടിക്കുന്നതും കാണാം .

വളരെയധികം ആകർഷകമായ രീതിയിൽ ആണ് ഈ ദൃശ്യങ്ങളിൽ മാല്‍തി പ്രത്യക്ഷപ്പെടുന്നത് .കുഞ്ഞു മാല്‍തിയുടെ നിഷ്കളങ്കമായ കുസൃതിയും കുട്ടിത്തവും എല്ലാം വളരെയധികം സന്തോഷത്തോടെ മാത്രമേ കാണാൻ കഴിയു .

വേദിക്ക് പിന്നിലെ ശാന്തമായ നിമിഷത്തില്‍ പ്രിയങ്കയും നിക്കും സ്‌നേഹത്തോടെ ആലിംഗനം ചെയ്യുന്നതും ഒരു ചെറിയ പിങ്ക് മൈക്രോഫോണ്‍ ഉപയോഗിച്ച് നിക്കിനൊപ്പം പാടുന്ന കുഞ്ഞുമാല്‍ട്ടിയുടെ ചിത്രവുമെല്ലാം വളരെയധികം ജനശ്രദ്ധ നേടിയിരിക്കുകയാണ് .