/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/media_files/2024/10/25/EjsJ5RE1LYeqg2E8CuLy.jpg)
അല്ലു അര്ജുന്-സുകുമാര് ചിത്രം പുഷ്പ 2 ഇന്ത്യന് സിനിമയിലെ സമീപകാലത്തെ ഏറ്റവും വലിയ ആദ്യ ദിന കളക്ഷന് സ്വന്തമാക്കിയാതായി റിപ്പോര്ട്ട്. ഇന്ത്യന് ബോക്സോഫീസില് നിന്ന് മാത്രം 175.1 കോടി നേടിയെന്നു ഇന്ത്യാ ടുഡേ റിപ്പോര്ട്ട് ചെയ്തു.ലോകമെമ്പാടുമുള്ള 12,500 ല് അധികം സ്ക്രീനുകളില് ആണ് പുഷ്പ 2 ഇറങ്ങിയിരിക്കുന്നത്. പ്രീ സെയിലില് നിന്ന് മാത്രം ചിത്രം 100 കോടി നേടിയിരുന്നു. തെലുങ്ക്, തമിഴ്, മലയാളം, ഹിന്ദി, കന്നഡ, ബംഗാളി ഭാഷകളിലാണ് ചിത്രം പ്രദര്ശനത്തിനെത്തിയത്. ഇ ഫോര് എന്റര്ടെയ്ന്മെന്റ്സാണ് പുഷ്പ 2 കേരളത്തിലെത്തിക്കുന്നത്.
ആദ്യ രണ്ടു ദിവസത്തിനുള്ള ഏറ്റവും കൂടുതല് പണം വാരിയ ചിത്രം എന്ന റെക്കോഡാണ് പുഷ്പ 2 സ്വന്തമാക്കിയിരിക്കുന്നത്. കൂടാതെ വരുമാനത്തില് ഹിന്ദി പതിപ്പ് തെലുങ്ക് പതിപ്പിനെ മറികടന്നു.ബോക്സ് ഓഫീസില് രണ്ടാംദിനം പിന്നിടുമ്പോള് 417 കോടിയാണ് ചിത്രം വരുമാനം നേടിയത്.
പുഷ്പ ആദ്യഭാഗം ആഗോളതലത്തില് 350 കോടിയോളം രൂപയായിരുന്നു നേടിയിരുന്നത്. ഈ തുകയാണ് രണ്ട് ദിവസം കൊണ്ട് പുഷ്പ 2 മറികടന്നിരിക്കുന്നത്. ഈ ട്രെന്ഡ് തുടര്ന്നാല് സിനിമയുടെ ടോട്ടല് കളക്ഷന് 1000 കോടി കടക്കുമെന്നാണ് അനലിസ്റ്റുകളുടെ നിഗമനം.
കേരളത്തിലും സിനിമ മികച്ച കളക്ഷന് ആണ് നേടിയിരിക്കുന്നത്. ചിത്രം ആദ്യദിനത്തില് കേരളത്തില് നിന്ന് 6.35 കോടി നേടിയെന്നാണ് റിപ്പോര്ട്ടുകള് സൂചിപ്പിക്കുന്നത്. ഒരു തെലുങ്ക് ഡബ്ബ് സിനിമ കേരളത്തില് നിന്നും നേടുന്ന ഏറ്റവും ഉയര്ന്ന കളക്ഷനാണിത്. രാജമൗലി ചിത്രമായ ബാഹുബലി 2 നേടിയ 5.45 കോടി എന്ന റെക്കോര്ഡാണ് പുഷ്പ 2 മറികടന്നത്.