അടൂരും അരവിന്ദനും ചെയ്ത സിനിമകളിലൂടെയല്ല ലോകമിന്ന് മലയാള സിനിമയെ അറിയുന്നതെന്ന അഭിപ്രായത്തിൽ റസൂൽ പൂക്കുട്ടി

തിരുവനന്തപുരം :മലയാള സിനിമയെ ഇന്ന് ലോകം അറിയുന്നത് അടൂർ ,അരവിന്ദൻ എന്നിവരുടെ സിനിമകളിലൂടെയല്ല മറിച്ചു യുവസംവിധായകരുടെ സിനിമകളിലൂടെയാണെന്നു റസൂൽ പൂക്കുട്ടി .

ഈ മാറ്റത്തിൽ സർക്കാരിനും ചലച്ചിത്ര അക്കാദമിയ്ക്കും പങ്കുണ്ടെന്നും അദ്ദേഹം കൂട്ടിച്ചേർത്തു .

അടൂരും അരവിന്ദനും ഷാജി എൻ കരുണും ചെയ്ത സിനിമകളിലൂടെയല്ല മലയാള സിനിമയെ ഇന്ന് ലോകമറിയുന്നതെന്നു കേരള ചലച്ചിത്ര അക്കാദമി ചെയർമാൻ റസൂൽ പൂക്കുട്ടി ഇന്നത്തെ യുവ സംവിധായകരാണ് മലയാള സിനിമയെ പുതുക്കിയതെന്നും ചലച്ചിത്ര അക്കാദമിയ്ക്കും സംസ്ഥാന സർക്കാരിനും സാംസ്‌കാരിക അന്തരീക്ഷത്തിനും അതിൽ പങ്കുണ്ടെന്നും റസൂൽ പൂക്കുട്ടി പറയുന്നു .

ഒരു മാധ്യമത്തിന് നൽകിയ അഭിമുഖത്തിലായിരുന്നു റസൂൽ പൂക്കുട്ടിയുടെ പ്രതികരണം .

മലയാള സിനിമയെ അടിമുടി മാറ്റിയിരിക്കുകയാണ് ഇപ്പോഴത്തെ തലമുറയിലെ സംവിധായകർ .

അടൂരും അരവിന്ദനും ഷാജി എൻ കരുണും ചെയ്ത സിനിമകളിലൂടെയല്ല ഇന്ന് ലോകം മലയാള സിനിമയെ അറിയുന്നത് .

അത് ഇന്നത്തെ ചെറുപ്പക്കാരുടെ സിനിമകളിലൂടെയാണ് .അവരാണ് മലയാള സിനിമയെ പുതുക്കിയത് .

തീർച്ചയായും ചലച്ചിത്ര അക്കാദമിയ്ക്കും സംസ്ഥാന സർക്കാരിനും സാംസ്‌കാരിക അന്തരീക്ഷത്തിനും അതിൽ പങ്കുണ്ട് .

റസൂൽ പൂക്കുട്ടി പറയുന്നു 

അറബ് രാജ്യങ്ങളിൽ ജീവിക്കുന്ന ജനതയുടെ വലിയ സംഭാവനയും മറക്കാൻ പാടില്ല .അവരാണ് മലയാളത്തിലെ മുഖ്യധാരാ സിനിമകളുടെ 40 ,50 ശതമാനവും നിർമ്മിക്കുന്നത്

.ചലച്ചിത്ര അക്കാദമിയിലൂടെ അവർക്കായി എന്തെങ്കിലും ചെയ്യണം എന്നുണ്ട് .

ദുബായിലെയും അബുദാബിയിലെയും മസ്ക്കറ്റിലെയും മലയാളികൾക്കായി ഐ എഫ് എഫ് കെ പോലെ എന്തെങ്കിലും ചെയ്യാമെന്ന് ചിന്തിച്ചുകൂടാ ?റസൂൽ പൂക്കുട്ടി കൂട്ടിച്ചേർത്തു .