സോഷ്യല്‍ മീഡിയ കത്തിച്ച് റൊമാന്റിക് ഡാന്‍സ് കോമഡി മ്യൂസിക്കല്‍ ഷോര്‍ട്ട് ഫിലിം ലവ് യു ബേബി

ക്യാമ്പസ് പശ്ചാത്തലത്തില്‍ പ്രണയവും നര്‍മ്മവും ചേര്‍ത്തൊരുക്കിയ മ്യൂസിക്കല്‍ ഷോര്‍ട്ട് ഫിലിം 'ലവ് യു ബേബി' യുട്യൂബില്‍ തരംഗമാകുന്നു. ബഡ്‌ജെറ്റ് ലാബ് ഷോര്‍ട്ട്‌സ് യു ട്യൂബിലൂടെയാണ് റിലീസ് ചെയ്തത്.

ഒളിമ്പ്യന്‍ അന്തോണി ആദം എന്ന മോഹന്‍ലാല്‍ ചിത്രത്തിലൂടെ ബാലനടനായി അരങ്ങേറ്റം കുറിച്ച അരുണ്‍കുമാറാണ് നായകവേഷം അവതരിപ്പിച്ചിരിക്കുന്നത്. നായികയാകുന്നത് ജിനു സെലിന്‍.വരാഹ ഫിലിംസിന്റെ ബാനറില്‍ ജിനു സെലിന്‍ നിര്‍മ്മിച്ച് എസ് എസ് ജിഷ്ണുദേവ് തിരക്കഥ, ഛായാഗ്രഹണം, എഡിറ്റിംഗ് എന്നിവ നിര്‍വ്വഹിച്ച് സംവിധാനം ചെയ്തിരിക്കുന്നു.

പോണ്ടിച്ചേരിയിലെ മനോഹര ലൊക്കേഷനില്‍ ചിത്രീകരിച്ച ലവ് യു ബേബിയില്‍ ടി സുനില്‍ പുന്നക്കാട്, അഭിഷേക് ശ്രീകുമാര്‍, അരുണ്‍ കാട്ടാക്കട, അഡ്വ ആന്റോ എല്‍ രാജ്, സിനു സെലിന്‍, ധന്യ എന്‍ ജെ, ജലത ഭാസ്‌ക്കര്‍, ബേബി എലോറ എന്നിവരും കഥാപാത്രങ്ങളാകുന്നു.

'മന്ദാരമേ.....' എന്നു തുടങ്ങുന്ന ഗാനം ഈണം നല്‍കിയത് ദേവ് സംഗീതാണ്. ഓര്‍ക്കസ്‌ട്രേഷന്‍ നടത്തിയത് എബിന്‍ എസ് വിന്‍സന്റ്. ലൈവ് സ്റ്റേജ് ഷോകളിലെ സ്ഥിര സാന്നിധ്യമായ സാംസണ്‍ സില്‍വയാണ് ഗാനാലാപനം നടത്തിയിരിക്കുന്നത്. റീറെക്കോര്‍ഡിംഗ്, സോംഗ് റെക്കോര്‍ഡിംഗ്, മിക്‌സിംഗ് ആന്റ് മാസ്റ്ററിംഗ് എന്നിവ എബിന്‍ എസ് വിന്‍സന്റിന്റെ ബ്രോഡ് ലാന്റ് അറ്റ്‌മോസ് സ്റ്റുഡിയോയിലാണ് പൂര്‍ത്തീകരിച്ചത്. ഡാന്‍സ് കോറിയോഗ്രാഫി ബിപിന്‍ എ ജി ഡി സി, ദേവിക എന്നിവര്‍ ചേര്‍ന്ന് നിര്‍വ്വഹിച്ചിരിക്കുന്നു.

ചമയം - അവിഷ കര്‍ക്കി, വസ്ത്രാലങ്കാരം - ഷീജ ഹരികുമാര്‍, കോസ്റ്റ്യുംസ് - എഫ് ബി ഫോര്‍ മെന്‍സ് കഴകൂട്ടം, മാര്‍ക്കറ്റിംഗ് -ഇന്‍ഡിപെന്‍ഡന്റ് സിനിമ ബോക്‌സ് ആന്റ് ദി ഫിലിം ക്‌ളബ്ബ്, പബ്‌ളിസിറ്റി ഡിസൈന്‍- പ്രജിന്‍ ഡിസൈന്‍സ്, പി ആര്‍ ഓ - അജയ് തുണ്ടത്തില്‍ .