അം അഃ - തോമസ് സെബാസ്റ്റ്യൻ്റെ പുതിയ ചിത്രത്തിൻ്റെ ടൈറ്റിൽ പ്രകാശനം ചെയ്തു .

തോമസ് സെബാസ്റ്റ്യൻ സംവിധാനം ചെയ്യുന്ന പുതിയ ചിത്രത്തിൻ്റെ ടൈറ്റിൽ പ്രശസ്ത താരങ്ങളായ മഞ്ജു വാര്യർ, ബേസിൽ ജോസഫ് എന്നിവരുടെ ഒഫീഷ്യൽ പേജിലൂടെ ' പ്രകാശനം ചെയ്തിരിക്കുന്നു. അം അഃ എന്നാണ് ടൈറ്റിൽ . പേരു നൽകുന്നകൗതുകം പോലെ തന്നെ ചിത്രവും ഏറെ കൗതുകം നിറഞ്ഞതാണെന്നു വിശ്വസിക്കാം. ഈ കൗതുകം പ്രേക്ഷകർ ഏറെ സ്വീകരിച്ചിരിക്കുന്നതായിട്ടാണ് സോഷ്യൽ മീഡിയായിലെ പ്രതികരണങ്ങളിലൂടെ വ്യക്തമാകുന്നത്.

കാപ്പി പ്രൊഡക്ഷൻസ് നിർമ്മിക്കുന്ന ഈ ചിത്രം തോമസ് സെബാസ്റ്റ്യൻ്റെ നാലാമതു ചിത്രമാണ്. മമ്മൂട്ടി നായകനായ മായാ ബസാർ , കുഞ്ചാക്കോബോബൻ നായകനായ ജമ്നാ പ്യാരി, ധ്യാൻ - അജു കൂട്ടുകെട്ടിലെ ഗൂഢാലോചന എന്നീ ചിത്രങ്ങൾക്കു ശേഷം തോമസ് സെബാസ്റ്റ്യൻ്റെ ഒരുക്കുന്ന ചിത്രമാണിത്.

തികഞ്ഞ ഫാമിലി ഡ്രാമയായി ചിത്രീകരിക്കുന്ന ഈ ചിത്രത്തിൽ ദിലീഷ് പോത്തൻ, ജാഫർ ഇടുക്കി, അലൻസിയർ, ടി.ജി. രവി,രഘുനാഥ് പലേരി, ജയരാജ് കോഴിക്കോട്, നവാസ് വള്ളിക്കുന്ന്തമിഴ് താരം ദേവദർശിനി മീരാവാസുദേവ്, ശ്രുതി ജയൻ മാലാ പാർവ്വതി,, മുത്തുമണി എന്നിവർ പ്രധാന വേഷങ്ങളിലെത്തുന്നു.

കവി പ്രസാദ് ഗോപിനാഥ് തിരക്കഥ എഴുതിയ ചിത്രത്തിന് സംഗീതം നൽകിയിരിക്കുന്നത് ഗോപി സുന്ദർആണ്. അനീഷ് ലാൽ ഛായാഗ്രഹണവും ബിജിത് ബാല എഡിറ്റിംഗും നിർവഹിച്ച ചിത്രത്തിന്റെ കലാ സംവിധാനം പ്രശാന്ത് മാധവ് ആണ്.മേക്കപ്പ് - രഞ്ജിത്ത് അമ്പാടി,കോസ്റ്റ്യും ഡിസൈൻ - കുമാർ എടപ്പാൾ,സ്റ്റിൽസ്- സിനറ്റ് സേവ്യർ, തുടങ്ങിയവരാണ്.ഗിരീഷ് മാരാരാണ് ചിത്രത്തിന്റെ ചീഫ് അസ്സോസ്സിയേറ്റ് ഡയറയക്ടർ,

അസ്സോസ്സിയേറ്റ് ഡയറക്ടർ ഷാമിലിൻ ജേക്കബ്ബ്, നിർമ്മാണ നിർവ്വഹണം - ഗിരീഷ് അത്തോളി. തൊടുപുഴയിലും പരിസരങ്ങളിലുമായി ചിത്രീകരണം പൂർത്തിയാക്കിയ ഈ ചിത്രത്തിൻ്റെ നിർമ്മാണ പ്രവർത്തനങ്ങൾ പൂർത്തിയായി വരുന്നു.പി ആർ ഒ: വാഴൂർ ജോസ് & മഞ്ജു ഗോപിനാഥ്. ഡിസൈനിങ് യെല്ലോ ടൂത്ത്

-