'വരാഹം ആഘാതത്തിന് തയ്യാറാകൂ', എന്ന് കുറിച്ചു കൊണ്ടാണ് സുരേഷ് ഗോപി പോസ്റ്റ് പങ്കുവച്ചിരിക്കുന്നത

സുരേഷ് ഗോപി കേന്ദ്രകഥാപാത്രത്തെ അവതരിപ്പിക്കുന്ന ഏറ്റവും പുതിയ ചിത്രമാണ് വരാഹം. ഇതൊരു ത്രില്ലര്‍ ചിത്രമായിരിക്കുമെന്നാണ് അപ്‌ഡേറ്റുകളില്‍ നിന്നും വ്യക്തമാകുന്നത്. ഇപ്പോഴിതാ ചിത്രത്തിന്റെ പുത്തന്‍ അപ്‌ഡേറ്റ് പങ്കിട്ടിരിക്കുകയാണ് സുരേഷ് ഗോപി. 

'വരാഹം ആഘാതത്തിന് തയ്യാറാകൂ', എന്ന് കുറിച്ചു കൊണ്ടാണ് സുരേഷ് ഗോപി പോസ്റ്റ് പങ്കുവച്ചിരിക്കുന്നത്. ലോഡഡ് ആന്റ് ലോക്ക്ഡ് എന്നും കുറിച്ചിട്ടുണ്ട്. വരാഹത്തിന്റെ ട്രെയിലറോ ടീസറോ റിലീസ് ചെയ്യാനാണ് അണിയറ പ്രവര്‍ത്തകര്‍ ഒരുങ്ങുന്നതെന്നാണ് വിവരം. ഇക്കാര്യം വൈകാതെ പുറത്തുവരികയും ചെയ്യും. ഒപ്പം വരാഹത്തിന്റെ റിലീസ് തിയതിയും ഉണ്ടാകുമെന്നാണ് കരുതപ്പെടുന്നത്. 

സുരേഷ് ഗോപിയ്ക്ക് ഒപ്പം സുരാജ് വെഞ്ഞാറമൂട്, ഗൗതം വസുദേവ് മേനോന്‍ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്. സനല്‍ വി ദേവന്‍ ആണ് സംവിധാനം. പൂര്‍ണ്ണമായും ത്രില്ലര്‍ ജോണറില്‍ അവതരിപ്പിക്കുന്ന ഈ ചിത്രം പല അഭിനേതാക്കളോടും പ്രേഷകര്‍ക്കുള്ള മുന്‍വിധികള്‍ മാറ്റി മറിക്കാന്‍ പോന്നതായിരിക്കുമെന്ന് അണിയറക്കാര്‍ പറയുന്നു. 

മാവെറിക് മൂവീസ് പ്രൈവറ്റ് ലിമിറ്റഡ്, സഞ്ജയ് പടിയൂര്‍ എന്റര്‍ടെയ്ന്‍മെന്റ് എന്നീ ബാനറുകളില്‍ വിനീത് ജയ്ന്‍, സഞ്ജയ് പടിയൂര്‍ എന്നിവരാണ് ഈ ചിത്രം നിര്‍മ്മിക്കുന്നത്. നിര്‍മ്മാണ പ്രവര്‍ത്തനങ്ങള്‍ പൂര്‍ത്തിയായി വരുന്ന ഈ ചിത്രം അടുത്തുതന്നെ പ്രദര്‍ശനത്തിനെത്തുന്നു. നവ്യ നായര്‍, പ്രാചി തെഹ്‌ലാന്‍, ശ്രീജിത്ത് രവി, സന്തോഷ് കീഴാറ്റൂര്‍, സാദ്ദിഖ്, സരയൂ എന്നിവരും ഈ ചിത്രത്തിലെ പ്രധാന വേഷങ്ങളിലെത്തുന്നു.

കഥ മനു സി കുമാര്‍, ജിത്തു കെ ജയന്‍, തിരക്കഥ മനു സി കുമാര്‍, സംഗീതം രാഹുല്‍ രാജ്, ഛായാഗ്രഹണം അജയ് ഡേവിഡ് കാച്ചപ്പിള്ളി, എഡിറ്റിംഗ് മന്‍സൂര്‍ മുത്തുട്ടി, എക്‌സിക്യൂട്ടീവ് പ്രൊഡ്യൂസര്‍ രാജാ സിംഗ്, കൃഷ്ണകുമാര്‍, ലൈന്‍ പ്രൊഡ്യൂസര്‍ ആര്യന്‍ സന്തോഷ്, കലാസംവിധാനം സുനില്‍ കെ ജോര്‍ജ്, ചീഫ് അസോസിയേറ്റ് ഡയറക്ടര്‍ സ്യമന്തക് പ്രദീപ്, അസോസിയേറ്റ് ഡയറക്ടര്‍ പ്രേം പുതുപ്പള്ളി, പ്രൊഡക്ഷന്‍ എക്‌സിക്യൂട്ടീവ് അഭിലാഷ് പൈങ്ങോട്, നിര്‍മ്മാണ നിര്‍വ്വഹണം പൗലോസ് കുറുമറ്റം, ബിനു മുരളി, പിആര്‍ഒ വാഴൂര്‍ ജോസ് എന്നിവരാണ് മറ്റ് അണിയറ പ്രവര്‍ത്തകര്‍.