സംഘട്ടന സംവിധായകനും നിര്‍മാതാവുമായ മലേഷ്യ ഭാസ്‌കര്‍ അന്തരിച്ചു

ചെന്നൈ: സിനിമയിലെ പ്രമുഖ സംഘട്ടന സംവിധായകനും നിര്‍മാതാവുമായ മലേഷ്യ ഭാസ്‌കര്‍ അന്തരിച്ചു. ഹൃദയാഘാതം മൂലമായിരുന്നു അന്ത്യം. മലയാളം, തമിഴ്, തെലുങ്ക്, കന്നട സിനിമകളില്‍ മുന്‍പ് സജീവമായിരുന്നു. 

മലയാളത്തില്‍ ഫാസില്‍, സിദ്ദീഖ്, സിബി മലയില്‍ തുടങ്ങിയ സംവിധായകരുടെ സിനിമകള്‍ക്കായി സംഘട്ടനരംഗങ്ങള്‍ ഒരുക്കിയിട്ടുണ്ട്. മൈ ഡിയര്‍ കരടി, കയ്യെത്തും ദൂരത്ത്, ബോഡിഗാര്‍ഡ് തുടങ്ങിയവയാണ് പ്രധാന മലയാള സിനിമകള്‍.