അജിത് പവാറിന്റെ സിരകളിൽ പാകിസ്ഥാനികളുടെ രക്തം,അദ്ദേഹം പകുതി പാകിസ്ഥാനി:സഞ്ജയ്‌ റാവത്ത്

മുംബൈ:ഇന്ത്യ-പാകിസ്ഥാൻ ഏഷ്യാ കപ്പ് മത്സരത്തെക്കുറിച്ചുള്ള മഹാരാഷ്ട്ര ഉപമുഖ്യമന്ത്രി അജിത് പവാറിന്റെ പ്രസ്താവനയെ ശിവസേന (യുബിടി വിഭാഗം) നേതാവ് സഞ്ജയ് റൗത്ത് നിശിതമായി വിമർശിച്ചു.

ജമ്മു കശ്മീരിലെ പഹൽഗാമിൽ അടുത്തിടെ നടന്ന ഭീകരാക്രമണത്തിൽ 26 പേർ കൊല്ലപ്പെട്ടതിനെ തുടർന്ന് പാകിസ്ഥാനുമായി മത്സരം ഉപേക്ഷിക്കണം എന്നായിരുന്നു ശിവസേന (യു ബി ടി)യുടെ നിലപാട്.

അതേസമയം ക്രിക്കറ്റ് മത്സരത്തെ പൂർണ്ണമായും അതേ രീതിയിൽ കാണണമെന്നും, സ്വന്തം അഭിപ്രായം പ്രകടിപ്പിക്കാനുള്ള അവകാശം ഭരണഘടനയിൽ തന്നിട്ടുണ്ടെന്നും അജിത് പവാർ പറഞ്ഞിരുന്നു.

 "ചില പ്രതിപക്ഷ പാർട്ടികൾ എപ്പോഴും പ്രശ്‌നം ഉണ്ടാക്കാൻ ശ്രമിക്കുന്നു, പക്ഷേ ഇത് ഒരു വൈകാരിക വിഷയമായി മാറരുത്" അദ്ദേഹം പറഞ്ഞു.

മറുപടിയായി സഞ്ജയ് റാവത്ത് തന്റെ രോഷം പ്രകടിപ്പിച്ചു, "അജിത് പവാറിന്റെ സിരകളിൽ പാകിസ്ഥാനികളുടെ രക്തം വഹിക്കുന്നു.അദ്ദേഹം പകുതി പാകിസ്ഥാനിയാണ്" പവാറിന്റെ അഭിപ്രായങ്ങളെ അദ്ദേഹം കൂടുതൽ വിമർശിച്ചു.

പഹൽഗാം ആക്രമണത്തിലെ 26 ഇരകളിൽ ആരെങ്കിലും അദ്ദേഹവുമായി ബന്ധമുള്ളവരായിരുന്നെങ്കിൽ അദ്ദേഹം ഇത്തരം പ്രസ്താവനകൾ നടത്തുമായിരുന്നില്ലെന്നും അദ്ദേഹം അഭിപ്രായപ്പെട്ടു.