ഭക്ഷണപ്രേമികൾക്ക് സന്തോഷവാർത്ത: രാമേശ്വരം കഫേയുടെ ആദ്യ മുംബൈ ഔട്ട്‌ലെറ്റ് ആരംഭിച്ചു

മുംബൈ : ദക്ഷിണേന്ത്യൻ വിഭവങ്ങൾക്ക് ദേശീയ തലത്തിൽ തന്നെ വലിയ ആരാധകരുള്ള The Rameshwaram Cafe മുംബൈ ചർച്ച്ഗേറ്റിൽ പ്രവർത്തനം ആരംഭിച്ചു.

ബെംഗളൂരുവിൽ ആരംഭിച്ച ഈ പ്രശസ്ത ഭക്ഷണശാലയുടെ ആദ്യ മുംബൈ ഔട്ട്‌ലെറ്റാണ് ഇപ്പോൾ തുറന്നിരിക്കുന്നത്.

ഉയർന്ന നിലവാരമുള്ള ചേരുവകൾ ഉപയോഗിച്ച് തയ്യാറാക്കുന്ന ശുദ്ധമായ ദക്ഷിണേന്ത്യൻ ഭക്ഷണമാണ് രാമേശ്വരം കഫേയുടെ പ്രധാന സവിശേഷത.

ദോശ, ഇഡ്ലി, വട, പൊങ്കൽ, ഫിൽട്ടർ കോഫി തുടങ്ങിയ വിഭവങ്ങൾക്കായി ഈ കഫേ ബെംഗളൂരുവിൽ വലിയ ജനപ്രീതി നേടിയിട്ടുണ്ട്.

മുംബൈയിലെ പുതിയ ശാഖയിലും ബെംഗളൂരുവിലെ അതേ രുചിയും ഗുണനിലവാരവും ഉറപ്പാക്കുമെന്ന് കഫേയുടെ മാനേജ്മെന്റ് അറിയിച്ചു.

എല്ലാ വിഭവങ്ങളും ഒരേ രീതിയിലാണ് തയ്യാറാക്കുന്നത് എന്നും ഉപഭോക്താക്കൾക്ക് വേഗത്തിലും ശുചിത്വത്തോടെയും സേവനം നൽകുന്നതാണ് ലക്ഷ്യമെന്നും അധികൃതർ വ്യക്തമാക്കി.

ഹോട്ടൽ തുറന്നതോടെ തന്നെ വലിയ തിരക്കാണ് മുംബൈ ഔട്ട്‌ലെറ്റിൽ അനുഭവപ്പെടുന്നത്.

ദക്ഷിണേന്ത്യൻ ഭക്ഷണം ഇഷ്ടപ്പെടുന്നവർക്കായി ഈ കഫേ നഗരത്തിലെ പുതിയ പ്രധാന ആകർഷണമായി മാറുമെന്നാണ് വിലയിരുത്തൽ.