കർക്കടകവാവ് ബലി തർപ്പണത്തിനായ് ഗുരുദേവഗിരി ഒരുങ്ങി

നവിമുംബൈ:കർക്കടക വാവിനോടനുബന്ധിച്ച് ശ്രീനാരായണ മന്ദിരസമിതിയുടെ ആഭിമുഖ്യത്തിൽ വ്യാഴാഴ്ച നടക്കുന്ന പിതൃബലിതർപ്പണത്തിനായ് നെരൂളിലെ ഗുരുദേവഗിരി ഒരുങ്ങി. പുലർച്ചെ 5 മുതൽ ഗുരുദേവഗിരി മഹാദേവ ക്ഷേത്ര സന്നിധിയിൽ നടക്കുന്ന ബലിതർപ്പണം ഒരു മണിക്കൂർ വീതമുള്ള ബാച്ചുകളായി 12 മണിവരെ തുടരും.

11 നു പിതൃക്കളുടെ ആത്മശാന്തിക്കായുള്ള തിലസായൂജ്യ ഹോമം നടക്കും. ദൂരെദിക്കുകളിൽ നിന്നുള്ളവർക്ക് തലേദിവസം ഇവിടെ എത്തി താമസിച്ചു പുലർച്ചെ കുളിച്ചു ബലിയിട്ടു മടങ്ങുന്നതിനുള്ള സൗകര്യം ഉണ്ടായിരിക്കും.

ബലിതർപ്പണത്തിനുശേഷം പ്രഭാത ഭക്ഷണം ഒരുക്കിയതായി ഭാരവാഹികൾ അറിയിച്ചു.

കൂടുതൽ വിവരങ്ങൾക്ക് 7304085880 , 97733 90602 9004143880 , 9892045445 എന്നീ നമ്പറുകളിൽ ബന്ധപ്പെടാം.