ആദ്യ പരാജയങ്ങൾ വഴിമാറി ചരിത്രം; ബോളിവുഡിലെ ഏറ്റവും സമ്പന്നനായ മനുഷ്യൻ

മുംബൈ: സിനിമാ മേഖലയിലെ തുടക്കം പരാജയമായാലും വിജയത്തിലേക്കുയരാം എന്നതിന്റെ മികച്ച ഉദാഹരണമാണ് നിർമ്മാതാവും മീഡിയ സംരംഭകനുമായ റോണി സ്‌ക്രൂവാല.

തന്റെ കരിയറിലെ ആദ്യ അഞ്ച് സിനിമകളും ബോക്‌സ് ഓഫീസിൽ പരാജയപ്പെട്ടിട്ടും, പിന്മാറാതെ മുന്നേറിയ അദ്ദേഹം ഇന്ന് ബോളിവുഡിലെ ഏറ്റവും സമ്പന്നനായ വ്യക്തിയായി മാറിയിരിക്കുകയാണ്.

ഹുറൺ ഇന്ത്യ റിച്ച് ലിസ്റ്റ് 2025 പ്രകാരം, റോണിയുടെ ആസ്തി മൂല്യം ₹13,314 കോടിയാണ്. ഈ കണക്കു പ്രകാരം, ബോളിവുഡിലെ സൂപ്പർസ്റ്റാർ ഷാരൂഖ് ഖാന്റെ സമ്പത്തിനെക്കാൾ കൂടുതലാണ് റോണിയുടെ സമ്പത്ത്.

അഭിനേതാവെന്ന നിലയിൽ അല്ല, നിർമ്മാണവും മീഡിയ ബിസിനസും മുഖേനയാണ് അദ്ദേഹം ഈ നേട്ടം കൈവരിച്ചത്.
പരാജയങ്ങൾക്ക് ശേഷം UTV Motion Pictures വഴി സ്വദേശ്, രംഗ് ദേ ബസന്തി, ലക്ഷ്യ തുടങ്ങിയ ശ്രദ്ധേയ സിനിമകൾ അവതരിപ്പിച്ച റോണി, പിന്നീട് RSVP Movies എന്ന ബാനറിലൂടെ ഉറി: ദ സർജിക്കൽ സ്ട്രൈക്ക് പോലുള്ള വൻവിജയങ്ങളും സൃഷ്ടിച്ചു.

ദീർഘദൃഷ്ടിയും ബിസിനസ് ബോധവുമാണ് അദ്ദേഹത്തെ ഇന്ന് ബോളിവുഡിലെ ഏറ്റവും സമ്പന്നനായ വ്യക്തിയാക്കി മാറ്റിയത്.