'ഒക്ടോബറിന്റെ ഓർമ്മയ്ക്ക്' കാവ്യസന്ധ്യ ഇന്ന്

മുംബൈ: ഇപ്റ്റ കേരള മുംബൈ ഘടകം കവി-കവിത-കാലം -ഒക്ടോബറിന്റെ്റെ ഓർമ്മയ്ക്ക് എന്ന കാവ്യസന്ധ്യ ഇന്ന് വൈകുന്നേരം നടക്കും.

പ്രശസ്ത കാവ്യാലാപകൻ രാജീവ് കാറൽമണ്ണ നയിക്കുന്ന കവിതാരാമത്തിൽ ഗാന്ധിയും വയലാറും നവീന ഭാവുകത്വവുമൊക്കെ തുലാവർഷമായി പെയ്‌തിറങ്ങും.

ഈ കാവ്യാലാപന - വിശകലന കൂട്ടായ്മയിൽ ചൊല്ലലും ചർച്ചയും സംഘ കവിതാലാപനങ്ങളും അരങ്ങേറും. ഗാന്ധി സ്‌മരണയും വയലാറിന്റെ ഓർമ്മകളും, ഒക്ടോബറിന്റെ കവിത നഷ്ടങ്ങളുമൊക്കെ വിഷയമാവും.

സീവുഡ്‌സ് റെയിൽവേ സ്റ്റേഷന് എതിർ വശമുള്ള കൊങ്കൺ വിഹാറിലെ രണ്ടാം നിലയിൽ ഒക്ടോബർ 1 ന് വൈകിട്ട് 5.59 മുതൽ 8.29 വരെയാണ് ഈ കാവ്യസന്ധ്യ.