സാംസ്കാരിക വിരുന്നൊരുക്കി വൃന്ദാവൻ കൈരളി: ഫെബ്രുവരി 8ന് താനെയിൽ വാർഷികാഘോഷം

താനെ : താനെ വൃന്ദാവൻ കൈരളി കൾച്ചറൽ അസോസിയേഷന്റെ വാർഷികാഘോഷം ഫെബ്രുവരി 8ന് ഞായറാഴ്ച വിവിധ പരിപാടികളോടെ കൊണ്ടാടുന്നതാണ്.

താനെ ശ്രീരംഗ് സ്‌കൂൾ ഹാളിൽ വൈകുന്നേരം 5.30 ന് തുടങ്ങുന്ന ആഘോഷപരിപാടികൾ അസോസിയേഷൻ പ്രസിഡന്റ്‌ എം. ആർ.സുധാകരൻ, സെക്രട്ടറി പി. കെ. രമേശൻ, ട്രെഷറർ ബി. പ്രസാദ്, പ്രോഗ്രാം കൺവീനർ കെ. ബാലകൃഷ്ണൻ എന്നിവരും മറ്റു മാനേജിങ് കമ്മിറ്റി അംഗങ്ങളും ചേർന്ന് ഭദ്രദീപം കൊളുത്തി ഉദ്ഘാടനം ചെയ്യും.

തുടർന്ന് കെ. എം. സുരേഷിന്റെയും ശാലിനി പ്രസാദിന്റെയും നേതൃത്വത്തിൽ അസോസിയേഷൻ അംഗങ്ങൾ അവതരിപ്പിക്കുന്ന വിവിധ കലാപരിപാടികളും ഗുരു സായി ഗീത മോഹന്റെ ഡാൻസ് ക്ലാസിലെ വിദ്യാർത്ഥികൾ അവതരിപ്പിക്കുന്ന നൃത്തങ്ങളും മലയാളം ക്ലാസ്സിലെ വിദ്യാർത്ഥികളുടെ കവിതാലാപനവും അരങ്ങേറും.

ഹിന്ദുസ്ഥാനി സംഗീതക്കച്ചേരി, നാടൻ പാട്ടുകൾ, കോമഡി സ്കിറ്റ് എന്നീ പരിപാടികളും ഉണ്ടായിരിക്കും.

കഴിഞ്ഞ അദ്ധ്യയന വർഷത്തിൽ 10, 12, ഡിഗ്രി, പി. ജി. പ്രൊഫഷണൽകോഴ്‌സുകളിൽ എന്നീ വിഭാഗത്തിൽ ഉന്നത വിജയം നേടിയവരെയും മറ്റു വിഭാഗത്തിൽ (എക്സ്ട്രാ കരിക്കുലർ )ജില്ലാ, സംസ്ഥാനതലത്തിൽ മികച്ച വിജയം കൈവരിച്ചവരെയും മെറിറ്റ് അവാർഡും സർട്ടിഫിക്കേറ്റും നൽകി അനുമോദിക്കും.

ഇടശ്ശേരി രാമചന്ദ്രനും പ്രകാശ് നായരും പരിപാടിയുടെ അവതാരകർ ആയിരിക്കും.

രാത്രി 9.30 ന് സമ്മാന ദാനത്തോടെ ആഘോഷപരിപാടികൾ സമാപിക്കും.

കൂടുതൽ വിവരങ്ങൾക്ക് ബന്ധപെടുക 97690 22331 (പ്രസിഡന്റ്‌) 9819546150 (സെക്രട്ടറി) 9619540784 (കൺവീനർ) എന്നീ നമ്പറുകളിൽ ബന്ധപ്പെടാവുന്നതാണ്.