സാമൂഹ്യനീതി, വനിത-ശിശു വികസനം, പൊതുആരോഗ്യം സുനേത്ര പവാറിന്

മുംബൈ: മഹാരാഷ്ട്ര മന്ത്രിസഭയിലെ പുതിയ വകുപ്പുവിഭജനത്തിൽ സുപ്രധാന മാറ്റങ്ങൾ.

ഉപമുഖ്യമന്ത്രി സുനേത്ര പവാർക്ക് മൂന്ന് പ്രധാന വകുപ്പുകളുടെ ചുമതല നൽകി. സാമൂഹ്യനീതി, വനിത-ശിശു വികസനം, പൊതുആരോഗ്യം എന്നീ വകുപ്പുകളാണ് അവർക്കു ലഭിച്ചത്.

അതേസമയം, ധനകാര്യ വകുപ്പ് മുഖ്യമന്ത്രി ദേവേന്ദ്ര ഫഡ്നാവിസ് തന്നെ കൈകാര്യം ചെയ്യും.

ഇതോടെ മുൻപ് ധനകാര്യ വകുപ്പ് കൈവശം വെച്ചിരുന്ന എൻ സി പി ക്ക് ആ വകുപ്പ് നഷ്ടപ്പെട്ടു.

മന്ത്രിസഭയിലെ പുതിയ ക്രമീകരണം ഭരണകാര്യങ്ങളിൽ കൂടുതൽ വ്യക്തതയും വേഗതയും ഉണ്ടാക്കുമെന്ന് സർക്കാർ വൃത്തങ്ങൾ അറിയിച്ചു.