ശ്രദ്ധേയമായി സാഹിത്യ സഹവാസ ക്യാമ്പ്

നവിമുംബൈ :മനോഹരമായ സാഹിത്യ സഹവാസ ക്യാമ്പിന് ന്യൂ ബോംബെ കൾച്ചറൽ സെന്റർ സമാജം വേദിയായി.

ന്യൂ ബോംബെ കൾച്ചറൽ സെന്റർ കോപ്പർഖൈർണയും സാഹിത്യ ചർച്ച വേദിയും സംയുക്താഭി മുഖ്യത്തിൽ നടത്തിയ ദ്വിദിന സാഹിത്യ സഹവാസ ക്യാമ്പ് ശ്രദ്ധേയമായി.നവംബർ 1 ന് ആരംഭിച്ച ക്യാമ്പ് നവംബർ 2 നാണ് സമാപിച്ചത്. 

ക്യാമ്പ് നയിച്ച അനിത തമ്പി, അൻവർ അലി,ഡോ മിനി പ്രസാദ് എന്നിവർ ക്യാമ്പിനെ അവിസ്മരണീയമാക്കി. 

ക്യാമ്പ് ഡയറക്ട്‌ടർ കണക്കൂർ ആർ സുരേഷ്കുമാർ ആയിരുന്നു.

രണ്ടു ദിവസങ്ങളിലായി കഥ, കവിത ശില്പശാലകൾ, പ്രഭാഷണങ്ങൾ, കഥയരങ്ങ്, കവിയരങ്ങ് പുസ്ത‌കങ്ങളുടെ പ്രകാശനം, ഇ ഐ എസ് തിലകൻ കവിത പുരസ്കാര സമർപ്പണം എന്നിവ നടന്നു.