മഹാശിവരാത്രി ഭക്തിനിറവിൽ: ഗുരുദേവഗിരിയിൽ വിപുലമായ ആഘോഷങ്ങൾ

നവി മുംബൈ : മഹാശിവരാത്രിയോടനുബന്ധിച്ച് നെരൂൽ ഗുരുദേവഗിരിയിൽ ഭക്തിപൂർവ്വവും വിപുലവുമായ ആഘോഷ പരിപാടികൾ സംഘടിപ്പിക്കുന്നു.

ഫെബ്രുവരി 15-ന് പുലർച്ചെ 5 മണിക്ക് നിർമാല്യദർശനത്തോടെ ചടങ്ങുകൾ ആരംഭിക്കും.

തുടർന്ന് മഹാഗണപതി ഹോമം, ഗുരുപൂജ (6 മണി), ഉഷഃപൂജ (6.30) എന്നിവ നടക്കും. ഇതോടൊപ്പം അഖണ്ഡ നാമജപവും ആരംഭിക്കും. രാവിലെ 6.35 മുതൽ ഉച്ചയ്ക്ക് 2 വരെ അഭിഷേകവും അർച്ചനയും നടക്കും.

രാവിലെ 11 മണിക്ക് മഹാമൃത്യുഞ്ജയ ഹോമം ഉണ്ടായിരിക്കും. വൈകിട്ട് 4 മണിക്ക് വീണ്ടും അഭിഷേകവും അർച്ചനയും തുടരും. വൈകിട്ട് 6.50-ന് ഗുരുപൂജയും തുടർന്ന് ദീപാരാധനയും നടക്കും.

രാത്രി 7.30-ന് മഹാമൃത്യുഞ്ജയ ഹോമം, മഹാ ചതുർകാല പൂജ, വിശേഷാൽ ശിവരാത്രി പൂജ എന്നിവ നടക്കും.

കൂടാതെ രണ്ട് മണിക്കൂർ ഇടവിട്ട് മഹാമൃത്യുഞ്ജയ പൂജയും ഉണ്ടായിരിക്കും.

ഫെബ്രുവരി 16-ന് പുലർച്ചെ 5 മണിക്ക് അഖണ്ഡനാമജപ സമർപ്പണവും കലശാഭിഷേകവും നടക്കും.

രാവിലെ 7 മണി മുതൽ പിതൃതർപ്പണവും 10 മണിക്ക് തിലഹവനവും നടത്തപ്പെടും. ഭക്തജനങ്ങളുടെ സാന്നിധ്യവും പങ്കാളിത്തവും പ്രതീക്ഷിക്കുന്നതായി സംഘാടകർ അറിയിച്ചു.

കൂടുതൽ വിവരങ്ങൾക്ക്:  7304085880 9892045445  9820165311