കന്യാസ്ത്രീകളുടെ അറസ്റ്റ്:അങ്ങേയറ്റം വേദനാജനകവും അപലനീയവുമെന്ന് കല്യാൺ രൂപതാ ബിഷപ്പ് മാർ തോമസ് ഇലവനാൽ

മുംബൈ:ഛത്തീസ്ഗഡിലെ കന്യാസ്ത്രീകളുടെ അറസ്റ്റിനെതിരെയാണ് കല്യാൺ രൂപതാ ബിഷപ്പ് മാർ തോമസ് ഇലവനാലിന്റെ പ്രതികരണം പുറത്ത് വന്നത്.

"ഛത്തീസ്ഗഡിലെ ദുര്‍ഗ് റെയില്‍വേ സ്റ്റേഷനില്‍ മലയാളി കന്യാസ്ത്രീകള്‍ക്കെതിരെ ഒരുകൂട്ടം ജനങ്ങൾ നടത്തിയ ആള്‍ക്കൂട്ട വിചാരണയും അങ്ങേയറ്റം വേദനാജനകവും അപലനീയവുമെന്ന്" കല്യാൺ രൂപതാ ബിഷപ്പ് മാർ തോമസ് ഇലവനാൽ പറഞ്ഞു.

വ്യാജ ആരോപണം ഉന്നയിച്ച് അകാരണമായി അറസ്റ്റ് ചെയ്തത് പ്രതിഷേധാർഹമാണെന്നും അദ്ദേഹം കൂട്ടിച്ചേർത്തു. കൂടാതെ ഭരണഘടന ഉറപ്പ് നൽകുന്ന മത നിരപേക്ഷതയുടെയും മത സ്വാതന്ത്ര്യത്തിന്റെയും മേലുള്ള കടന്നാക്രമണമാണിതെന്നും ബിഷപ്പ് പറഞ്ഞു.

അതേസമയം മത ന്യുനപക്ഷങ്ങൾക്ക് രാജ്യത്ത് ഭയം കൂടാതെ ജീവിക്കാനും യാത്ര ചെയ്യുവാനുമുള്ള സ്വാതന്ത്ര്യം ഉറപ്പ് വരുത്തേണ്ടത് കേന്ദ്ര - സംസ്ഥാന സർക്കാറുകളാണെന്ന് മറക്കരുതെന്നും ബിഷപ്പ് മാർ തോമസ് ഇലവനാൽ ഇറക്കിയ പത്ര കുറിപ്പിലൂടെ അറിയിച്ചു.