വാശി വൈകുണ്ഠ ക്ഷേത്ര ഗോപുരം ജനുവരി ഉദ്ഘാടനം 25-ന്; ശങ്കർ മഹാദേവൻ മുഖ്യാതിഥി

നവി മുംബൈ: വാശിയിലെ ശ്രീ ഗുരുവായൂരപ്പൻ ഭക്തസമാജത്തിന്റെ ആഭിമുഖ്യത്തിൽ വാശി വൈകുണ്ഠ ക്ഷേത്രത്തിലെ പുതുതായി നിർമിച്ച ഗോപുരത്തിന്റെ ഉദ്ഘാടനം ജനുവരി 25-ന് നടക്കും.

ശ്രീ ഗുരുവായൂരപ്പൻ ഭക്തസമാജത്തിന്റെ മാനേജിംഗ് കമ്മിറ്റി സംഘടിപ്പിക്കുന്ന ചടങ്ങിൽ പ്രശസ്ത സംഗീതജ്ഞനും സാംസ്‌കാരിക രംഗത്തെ പ്രമുഖനുമായ ഡോ. ശങ്കർ മഹാദേവൻ മുഖ്യാതിഥിയായി പങ്കെടുക്കും.

വാശി സെക്ടർ-29 നവി മുംബൈയിൽ സ്ഥിതി ചെയ്യുന്ന ക്ഷേത്രത്തിൽ രാവിലെ 11 ന് ചടങ്ങുകൾ ആരംഭിക്കുമെന്ന് ഭാരവാഹികൾ അറിയിച്ചു.