110 കി.മീറ്ററിൽ പൈപ്പ് ലൈൻ, 50 ലക്ഷം പേർക്ക് കൂടിവെള്ളം;  കാവേരി അഞ്ചാംഘട്ട പദ്ധതി

ബെംഗളൂരു: ജലക്ഷാമം രൂക്ഷമായ ബെംഗളൂരു നഗരത്തിൻ്റെ ആശ്രയമാണ് കാവേരി പദ്ധതി. വൻ ജനത്തിരക്കുള്ള ബെംഗളൂരു നഗരത്തിലും സമീപ ഗ്രാമങ്ങളിലും വെള്ളം എത്തിക്കാനുള്ള പദ്ധതി ഘട്ടം ഘട്ടമായാണ് പുരോഗമിക്കുന്നത്. ടികെ ഹള്ളിയിലെ ജലശുദ്ധീകരണ പ്ലാൻ്റിൽ നിന്ന് ബിബിഎംപി പരിധിയിലെ 110 ഗ്രാമങ്ങളിൽ വെള്ളം എത്തിക്കും. ജപ്പാൻ ഇൻ്റർനാഷണൽ കോർപറേഷൻ ഏജൻസിയുടെ സഹകരണത്തോടെ 4336 കോടി രൂപ ചെലവഴിച്ചാണ് പദ്ധതി. കാവേരി അഞ്ചാം ഘട്ട പദ്ധതിയുടെ ബുധനാഴ്ച നടന്നു. ബെംഗളൂരു നഗരത്തിലെ ഉയർന്ന പ്രദേശങ്ങൾ ഉൾപ്പെടെയുള്ള ഭാഗങ്ങളിൽ ജലം എത്തിക്കുകയാണ് കാവേരി അഞ്ചാം ഘട്ട പദ്ധതിയുടെ ലക്ഷ്യം. 

കാവേരി പദ്ധതിയുടെ നാല് ഘട്ടങ്ങളിലായി ഇതുവരെ 1500 എംഎൽഡി വെള്ളമാണ് ബെംഗളൂരു നഗരത്തിന് നൽകിയതെന്ന് ഉപമുഖ്യമന്ത്രി ഡി കെ ശിവകുമാർ കഴിഞ്ഞ ദിവസം വ്യക്തമാക്കിയിരുന്നു. അഞ്ചാം ഘട്ടം 50 ലക്ഷം പേർക്ക് കൂടി സഹായകമാകും. കാവേരി അഞ്ചാം ഘട്ടം 50 ലക്ഷം പേർക്ക് കൂടി ജലലഭ്യത ഉറപ്പാക്കുന്ന തരത്തിലാണ് രൂപകൽപ്പന ചെയ്തിട്ടുള്ളത്. 775 MLD ശേഷിയുള്ള ജലശുദ്ധീകരണ പ്ലാൻ്റിൻ്റെ നിർമാണം പദ്ധതിയുടെ ഭാഗമായുണ്ടെന്ന് ഉപമുഖ്യമന്ത്രി പറഞ്ഞു.

കാവേരി അഞ്ചാം ഘട്ട പദ്ധതിയിലൂടെ ബെംഗളൂരുവിലെ എല്ലാ വീടുകളിലും വെള്ളം എത്തിക്കുകയാണ് പദ്ധതിയുടെ ലക്ഷ്യം. ബെംഗളൂരുവിൻ്റെ പ്രാന്തപ്രദേശങ്ങളിലുടനീളം പൈപ്പ് ലൈൻ വഴി വെള്ളം എത്തിക്കും. ഗോട്ടിഗെരെ, ദൊഡ്ഡകനഹള്ളി, ലിംഗധീരനഹള്ളി, എസ്എംവി ആറാം ബ്ലോക്ക്, കടുഗോഡി, ചൊക്കനഹള്ളി എന്നിവിടങ്ങളിൽ വെള്ളം എത്തിക്കും. 

ബെംഗളൂരു നിവാസികൾക്ക് വെള്ളം എത്തിക്കുന്നതിനായി 110 കിലോമീറ്റർ ദൈർഘ്യത്തിലാണ് വാട്ടർ പൈപ്പുകൾ കടന്നുപോകുകയെന്ന് ഉപമുഖ്യമന്ത്രി അറിയിച്ചു. പദ്ധതി പ്രകാരം കാവേരി അഞ്ചാം ഘട്ട പദ്ധതിയിൽ നിന്ന് ബെംഗളൂരുവിന് 775 എംഎൽഡി വെള്ളം അധികമായി ലഭിക്കും. ബാംഗ്ലൂർ വാട്ടർ സപ്ലൈ ആൻഡ് മലിനജല ബോർഡ് ഇതിനകം 10.64 ലക്ഷം വാട്ടർ കണക്ഷനുകൾ സുഗമമാക്കി. പുതിയ ഘട്ടത്തിൽ നാല് ലക്ഷം കണക്ഷനുകൾ കൂടി നൽകും. കാവേരി നദിയിൽ നിന്നുള്ള വെള്ളത്തെയാണ് ബെംഗളൂരു നഗരം ആശ്രയിക്കുന്നതെന്ന് ബെംഗളൂരു വാട്ടർ സപ്ലൈ ആൻഡ് മലിനജല ബോർഡ് വ്യക്തമാക്കുന്നുണ്ട്.