കൊച്ചിയിൽ 27 ബംഗ്ലാദേശികൾ പിടിയിൽ

എറണാകുളം റൂറൽ ജില്ലാ പൊലീസ് മേധാവി വൈഭവ് സക്സേനയുടെ നേതൃത്വത്തിൽ ആരംഭിച്ച'ഓപ്പറേഷൻ ക്ലീൻ'ന്റെ ഭാഗമായാണ് 27 പേർ പിടിയിലായത്. എന്നാൽ, ഇത്രയധികംപേർ ഒന്നിച്ച് പിടിയിലാകുന്നത് ആശങ്കയുയർത്തിയിട്ടുണ്ട്.

author-image
Prana
New Update
arrested

കൊച്ചിയിൽ അനധികൃതമായി താമസിച്ച് ജോലി ചെയ്തിരുന്ന 27 ബംഗ്ലാദേശികൾ പിടിയിൽ. എറണാകുളം റൂറൽ പൊലീസും തീവ്രവാദ വിരുദ്ധ സ്‌ക്വാഡും ചേർന്ന് നടത്തിയ പരിശോധനയിൽ വടക്കൻ പറവൂരിൽ നിന്നാണ് ഇവർ പിടിയിലായത്. ഇവിടെ ഒരുവീട്ടിൽ ഒരുമിച്ച് താമസിച്ച് വരികയായിരുന്നു. വെള്ളിയാഴ്ച പുലർച്ചെ രണ്ടോടെയാണ് സംഘം പിടിയിലാകുന്നത്.നേരത്തെ, സമാനമായ രീതിയിൽ ഏഴ് ബംഗ്ലാദേശികൾ പിടിയിലായിരുന്നു. എറണാകുളം റൂറലിൽ നിന്നായിരുന്നു ഇവരെ പിടികൂടിയത്. ഇതിന് പിന്നാലെ എറണാകുളം റൂറൽ ജില്ലാ പൊലീസ് മേധാവി വൈഭവ് സക്സേനയുടെ നേതൃത്വത്തിൽ ആരംഭിച്ച'ഓപ്പറേഷൻ ക്ലീൻ'ന്റെ ഭാഗമായാണ് 27 പേർ പിടിയിലായത്. എന്നാൽ, ഇത്രയധികംപേർ ഒന്നിച്ച് പിടിയിലാകുന്നത് ആശങ്കയുയർത്തിയിട്ടുണ്ട്. രഹസ്യവിവരത്തിന്റെ അടിസ്ഥാനത്തിൽ നടത്തിയ അന്വേഷണത്തിലാണ് ഇവർ പിടിയിലായത്.മൂന്ന് മാസത്തിന് മുമ്പ് ഇവിടെ എത്തിയവരാണ് എന്നാണ് ഇവർ നൽകിയ മൊഴി. എന്നാൽ, ഇത് വിശ്വസിക്കാൻ പൊലീസ് തയ്യാറായിട്ടില്ല. ബംഗാളിൽ നിന്നുളള തൊഴിലാളികൾ എന്ന വ്യാജേനെയാണ് ഇവർ കേരളത്തിലെ വിവിധ ഇടങ്ങൽ ജോലി ചെയ്തതെന്നാണ് പൊലീസ് പറയുന്നു. വിഷയത്തിൽ, വിശദമായ അന്വേഷണമുണ്ടാകുമെന്നും പൊലീസ് അറിയിച്ചു. ഇത്രയുംപേർ ഒന്നിച്ച് താമസിക്കുന്നത് രാജ്യസുരക്ഷയെ തന്നെ ബാധിക്കുന്ന വിഷയമാണെന്നാണ് വിലയിരുത്തൽ. ഇവർ എങ്ങിനെയാണ് കേരളത്തിലെത്തിയതെന്നും ആരാണ് താമസസൗകര്യം ഒരുക്കിയതെന്നും പൊലീസ് അന്വേഷിക്കുന്നു.

bangladesh