ഭിവണ്ടിയിൽ യുവതിയെയും മൂന്ന് പെൺമക്കളെയും തൂങ്ങിമരിച്ച നിലയിൽ കണ്ടെത്തി

താനെ:മഹാരാഷ്ട്രയിലെ താനെ ജില്ലയിലെ ഭീവണ്ടിയിലാണ് ഈ ഞെട്ടിക്കുന്ന സംഭവം ഇന്ന് രാവിലെ പുറത്തുവന്നത്. 28 വയസ്സുള്ള യുവതിയും അവരുടെ മൂന്ന് പ്രായപൂർത്തിയാകാത്ത പെൺമക്കളെയും ആത്മഹത്യ ചെയ്ത നിലയിൽ കണ്ടെത്തുകയായിരുന്നു. വിവരം ലഭിച്ചതിനെത്തുടർന്ന് പോലീസ് ഉടൻ കുറ്റകൃത്യം നടന്ന സ്ഥലത്തെത്തി അന്വേഷണം ആരംഭിച്ചു. രാത്രി ജോലി ചെയ്തിരുന്ന ഭർത്താവ് ഇന്ന് രാവിലെ തിരിച്ചെത്തിയപ്പോഴാണ് ഭർത്താവ് യുവതിയെയും മൂന്ന് പെൺകുട്ടികളെയും സീലിംഗ് ഫാനിൽ തൂങ്ങിമരിച്ച നിലയിൽ കണ്ടെത്തിയത്.

പെൺകുട്ടികൾക്ക് 13 ഉം 11 ഉം എട്ട് ഉം വയസ്സുള്ളവരാണെന്ന് റിപ്പോർട്ടുണ്ട്.

സംഭവത്തിൽ പോലീസ് വിശദമായ അന്വേഷണം ആരംഭിച്ചിട്ടുണ്ട്. എല്ലാ വശങ്ങളും പോലീസ് അന്വേഷിക്കുന്നതായും പോലിസ് അധികൃതർ അറിയിച്ചു. അന്വേഷണം പുരോഗമിക്കുകയാണെന്നും അടുത്ത രണ്ട് ദിവസങ്ങളിൽ വിവരങ്ങൾ പുറത്തു വരുമെന്നും ഭിവണ്ടി ഷഹർ പോലീസ് സ്റ്റേഷനിലെ സീനിയർ പോലീസ് ഇൻസ്പെക്ടർ കൃഷ്ണദേവ് ഖരാഡെ മാധ്യമപ്രവർത്തകരോട് പറഞ്ഞു.